Harbhajan Singh : నాగ్పూర్ టెస్టులో టీమిండియా ఓపెనర్ కేఎల్ రాహుల్ బ్యాటింగ్ తీరును మాజీ స్పిన్నర్ హర్భజన్ సింగ్ తీవ్రంగా విమర్శించాడు. రాహుల్ దూకుడుగా ఆడి ఉంటే ఎక్కువ పరుగులు చేసేవాడని హర్భజన్ అన్నాడు. ‘రాహుల్ క్రీజులో కుదురుకునేందుకు ఎక్కువ టైమ్ తీసుకుంటున్నాడు. తొలి ఇన్నింగ్స్లో అతను అటాకింగ్ గేమ్ ఆడితే మరిన్ని రన్స్ చేసేవాడని నా నమ్మకం. సెకండ్ ఇన్నింగ్స్లో బ్యాటింగ్ చేసే అవకాశం వస్తే రాహుల్ రన్స్ చేస్తాడని అనుకుంటున్నా’ అని భజ్జీ తెలిపాడు. అంతేకాదు ఇండియా తొలి ఇన్నింగ్స్లో 350 వరకు స్కోర్ చేయాలని అప్పుడు ఆస్ట్రేలియాను 200 లోపే కట్టడి చేయొచ్చని ఈ మాజీ ఆఫ్ స్పిన్నర్ అభిప్రాయ పడ్డాడు. నాగ్పూర్ టెస్టులో భజ్జీ 7 వికెట్లు పడగొట్టాడు. దాంతో భారత్ తేడాతో గెలుపొందింది.
తొలి ఇన్నింగ్స్లో రాహుల్ 20 రన్స్కే వెనుదిరిగి అందర్నీ నిరాశ పరిచాడు. ఫామ్లో ఉన్న శుభ్మన్ గిల్ను కాదని అతడికి అవకాశం ఇచ్చారు. అయితే.. 71 బంతులు ఎదుర్కొన్న అతను 20 రన్స్ చేశాడంతే. మరో ఏడు బంతుల్లో మ్యాచ్ ముగుస్తుంది అనగా మర్ఫీ ఓవర్లో రిటర్న్ క్యాచ్ ఇచ్చి ఔటయ్యాడు. రోహిత్తో కలిసి అతను మొదటి వికెట్కు 76 రన్స్ జోడించాడు. తొలి ఇన్నింగ్స్లో ఆస్ట్రేలియా 177కు ఆలౌట్ అయింది. రవీంద్ర జడేజా 5, అశ్విన్ మూడు వికెట్లు పడగొట్టారు.