న్యూఢిల్లీ: వెటరన్ స్పిన్నర్ హర్భజన్ సింగ్ కొత్త అవతారంలో కనిపించబోతున్నాడు. వచ్చే సీజన్ ఐపీఎల్లో ఓ ఫ్రాంచైజీ సహాయ బృందంలో ప్రత్యక్షం కానున్నాడు. మెంటార్గా లేక సలహాదారుడిగా వ్యవహరించే అవకాశం ఉంది. ఇప్పటికే అతడితో ఓ ప్రముఖ ఫ్రాంచైజీ సంప్రదింపులు చేస్తున్నదని సమాచారం. ఈ నేపథ్యంలోనే వారంలో భజ్జీ తన సుదీర్ఘ క్రికెట్ కెరీర్కు గుడ్బై చెప్పనున్నాడట. ఇటీవల ముగిసిన ఐపీఎల్ మొదటి దశలో కోల్కతా నైట్రైడర్స్ జట్టులో ఉన్న ఈ సీనియర్ ఆటగాడు మైదానంలోకి మాత్రం దిగలేదు. యూఏఈ వేదికగా జరిగిన రెండో దశలో భజ్జీ కనిపించలేదు. ప్రస్తుతం అన్ని ఫార్మాట్లకు రిటైర్మెంట్ ప్రకటించి కొత్త బాధ్యతలు చేపట్టే యోచనలో ఉన్నాడు. త్వరలోనే అధికారిక ప్రకటన చేసే అవకాశం ఉంది. భారత క్రికెట్ జట్టులో కీలక బౌలర్గా వ్యహరించిన హర్భజన్ ఐపీఎల్ మెగావేలంలో ఓ ఫ్రాంచేజీకి సహాయం చేయనున్నాడని, ఆ జట్టులోని ఆటగాళ్లకు మెళకువలు నేర్పించబోతున్నాడని వినికిడి. విలువైన సూచనలు చేసి కుర్రాళ్లను ప్రోత్సహించడంలో భజ్జీ ముందుంటాడు. గతేడాది కేకేఆర్లో వరుణ్ చక్రవర్తికి చిట్కాలు నేర్పించగా.. నెట్ సెషన్స్లో వెంకటేశ్ అయ్యర్కు కూడా సలహాలు ఇచ్చాడు.