Germanay Football Team | జ‌పాన్‌ చేతిలో దారుణ ఓట‌మి.. హెడ్‌కోచ్‌ను తొల‌గించిన జ‌ర్మ‌నీ

Germanay Football Team : మాజీ వ‌ర‌ల్డ్ చాంపియ‌న్‌ జ‌ర్మ‌నీ ఫుట్‌బాల్ జ‌ట్టు(Germanay Football Team) ఈ మ‌ధ్య పేల‌వ ప్ర‌ద‌ర్శ‌న‌తో నిరాశ‌ప‌రుస్తోంది. ఫ్రెండ్లీ మ్యాచ్‌లో ఈరోజు  జ‌పాన్(Japan) చేతిలో ఘోర ప‌రాభ‌వాన్ని మూట‌గట్టుకుంది. ఆసియా జ‌ట్టు...

Germanay Football Team : మాజీ వ‌ర‌ల్డ్ చాంపియ‌న్‌ జ‌ర్మ‌నీ ఫుట్‌బాల్ జ‌ట్టు(Germanay Football Team) ఈ మ‌ధ్య పేల‌వ ప్ర‌ద‌ర్శ‌న‌తో నిరాశ‌ప‌రుస్తోంది. ఫ్రెండ్లీ మ్యాచ్‌లో ఈరోజు  జ‌పాన్(Japan) చేతిలో ఘోర ప‌రాభ‌వాన్ని మూట‌గట్టుకుంది. ఆసియా జ‌ట్టు 4-1తో జ‌ర్మ‌నీని చిత్తు చేసింది. దాంతో, ఆగ్ర‌హించిన ఆ దేశ ఫుట్‌బాల్ సంఘం హెడ్‌కోచ్‌గా ఉన్న‌ హ‌న్సీ ఫ్లిక్‌(Hansi Flick)ను తొలగించింది.

అంతేకాదు ప్ర‌స్తుతం టీమ్ డైరెక్ట‌ర్‌గా ఉన్న రుడి విల్ల‌ర్, మిగ‌తా ముగ్గురు కోచ్‌లకు త‌ర్వాతి మ్యాచ్‌ల‌ను చూసుకొనే బాధ్య‌త అప్ప‌గించింది. వ‌చ్చే ఏడాది యూరోపియ‌న్ చాంపియ‌న్‌షిప్(European Championship) పోటీల‌కు జ‌ర్మ‌నీ ఆతిథ్యం ఇవ్వ‌నుంది. అందుక‌ని ఈ ఓట‌మిని ఆ దేశ ఫుట్‌బాల్ సంఘం సీరియ‌స్‌గా తీసుకుంది.

జ‌పాన్ చేతిలో ఓట‌మి అనంత‌రం నిరాశ‌లో జ‌ర్మ‌నీ ఆట‌గాళ్లు

నిరుడు ఖ‌త‌ర్‌లో జ‌రిగిన ఫిఫా వ‌ర‌ల్డ్ క‌ప్‌(fifa world cup 2022)లోనూ జ‌ర్మ‌నీ గ్రూప్ ద‌శ దాట‌లేక‌పోయింది. అప్ప‌టి నుంచి ఆ జ‌ట్టు ఆట మ‌రింత‌ తీసిక‌ట్టుగా మారింది. దాంతో, కోచింగ్ సిబ్బందిని మార్చాల‌నే అభిప్రాయాలు వ్య‌క్తం అయ్యాయి. ఈ నేప‌థ్యంలోనే హ‌న్సీ ఫ్లిక్‌పై వేటు ప‌డిన‌ట్టు తెలుస్తోంది. కోచ్‌గా సుదీర్ఘ అనుభ‌వం ఉన్న హ‌న్సీ 2020లో బయెర్న్ మ్యునిచ్ జట్ట‌ను చాంపియ‌న్స్ లీగ్ విజేత‌గా నిలిపాడు.