దోహా : ఐఎస్ఎఫ్ఎఫ్ ప్రపంచకప్ షూటింగ్ పోటీలలో యువ షూటర్ గనెమత్ షెకాన్ స్కీట్ విభాగంలో రెండో స్థానంలో నిలిచి భారత పతక ఆశలను సజీవంగా నిలిపింది. కాగా పురుషుల 10మీ. ఎయిర్ రైఫిల్ క్వాలిఫికేషన్ పోటీలలో హృదయ్ హజారిక, మహిళల 10మీ. ఎయిర్ రైఫిల్ విభాగంలో ఎలవెనిల్ వలరివన్ ఏడో స్థానంలో నిలిచి నిరాశపరిచారు. స్కీట్లో గనెమత్ మూడు రౌండర్లలో 24/25 పాయింట్లు సాధించి రెండో స్థానంలో నిలిచింది. కజకస్థాన్కు చెందిన అస్సెమ్ ఒరిన్బే అగ్రస్థానంలో కొనసాగుతున్నది. కాగా మరో నలుగురు షూటర్లు 72 పాయింట్లతో సమానంగా పతకంకోసం పోటీపడుతున్నారు. మహిళల స్కీట్లో రమిత జిందాల్, మెహూలి ఘోష్ 9, 10 స్థానాల్లో నిలిచి ఫైనల్స్కు అర్హత సాధించలేకపోయారు.