లిస్బేన్: ఇదో గమ్మత్తు ఘటన. కామెంటేటర్లు (commentators)తెగ నవ్వేసుకున్నారు. పడీ పడీ మరీ నవ్వును ఆపుకోలేకపోయారు. పోర్చుగల్లో జరుగుతున్న యురోపియన్ క్రికెట్(European Cricket) లీగ్లో జరిగిన ఘటన నిజంగానే నవ్వులు తెప్పిస్తోంది. క్రికెట్ మ్యాచ్లో షాట్ కొట్టిన బ్యాటర్ ఒక రన్ తీశాడు. అయితే ఫీల్డర్ మిస్ ఫీల్డింగ్ చేయడంతో బ్యాటర్ ఆ బంతికి మూడు పరుగులు తీశాడు. క్రీజ్లోకి వస్తున్న సమయంలో.. ఫీల్డర్ వేసిన త్రో నేరుగా ఆ బ్యాటర్కు తగిలింది. ఆ బంతి బ్యాటర్ గజ్జెల భాగంలో బలంగా తగలడంతో అతను తల్లడిల్లిపోయాడు. ఇక ఆ మ్యాచ్కు కామెంట్రీ ఇస్తున్న కామెంటేటర్లు మాత్రం నవ్వును ఆపుకోలేకపోయారు. నవ్వీ నవ్వీ .. ఆ సన్నివేశాన్ని గుర్తు చేశారు. ఆ ఘటనకు చెందిన వీడియో ఇదే.
Timeline cleanser. Sound on for maximum dopamine injection.
— Georgie Parker (@georgieparker) March 23, 2023
ప్రస్తుతం సోషల్ మీడియాలో ఈ వీడియో వైరల్ అవుతోంది. ఇండియన్ రాయల్స్(Indian Royals) జట్టు తరపున బంగ్లాదేశ్ ఆల్రౌండర్ ఎండీ షైకత్ ఆడాడు. ఈ మ్యాచ్లో బ్రదర్స్ లెవన్ చేతుల్లో ఇండియన్ రాయల్స్ జట్టు ఓటమిపాలైంది. గోల్డెన్ బాల్ రూల్ ప్రకారం ఈ మ్యాచ్ ఫలితం తేలింది. షైకత్(Shaikat) గజ్జల్లో బంతి తగలడం.. అందరిలో నవ్వు తెప్పించింది.