Fawad Alam: ప్రపంచవ్యాప్తంగా ఫ్రాంచైజీ క్రికెట్(Franchise Cricket) జోరు నడుస్తోంది. దాంతో, కాసుల వర్షం కురిపించే ఈ లీగ్స్ కోసం ఆటగాళ్లు జాతీయ జట్టును వీడుతున్న సంఘటనలు ఈ మధ్య ఎక్కువయ్యాయి. తాజగా పాకిస్థాన్ క్రికెటర్ ఫవాద్ అలం(Fawad Alam) ఈ జాబితాలో చేరాడు. మైనర్ క్రికెట్ లీగ్(Minor League Cricket T20)లో ఆడడం కోసం పాక్ జట్టుతో తెగతెంపులు చేసుకున్నాడు. దాంతో పాకిస్థాన్ క్రికెటర్గా అతడి 15 ఏళ్ల కెరీర్కు ముగిసింది. త్వరలోనే ఫవాద్ అమెరికాలో ‘చికాగో కింగ్స్మెన్'(Chicago Kingsmen) టీమ్ తరఫున బరిలోకి దిగనున్నాడు.
ఇప్పటికే పలువురు పాక్ ఆటగాళ్లు అమెరికాలో క్రికెట్ ఆడేందుకు వెళ్లారు. వాళ్లు ఎవరంటే..? సమీ అస్లాం, హమ్మద్ అజాం, సైఫ్ బదర్, మహమ్మద్ మొహ్సిన్ఈమధ్యే మేజర్ టీ20 లీగ్(Major League Cricket) మొదటి సీజన్ పూర్తైన విషయం తెలిసిందే. ఫవాద్ 2007లో వన్డేల్లో అరంగేట్రం చేశాడు. రెండేళ్ల తర్వాత టెస్టుల్లో తొలి మ్యాచ్లోనూ సెంచరీతో మెరిశాడు. అయితే.. వరుసగా రెండు మూడు సిరీస్లకు సెలెక్టర్లు అతడిని తీసుకోలేదు. దేశవాళీ క్రికెట్లో 55 సగటుతో పరుగులు చేసినా అతడికి జట్టులో చోటు దక్కలేదు.
న్యూజిలాండ్పై సెంచరీ తర్వాత ఫవాద్ అభివాదం
ఈమధ్యే 11 ఏళ్ల విరామం తర్వాత ఫవాద్ మళ్లీ టెస్టు మ్యాచ్ ఆడాడు. పునరాగమనంలోనే ఈ స్టార్ ఆటగాడు న్యూజిలాండ్పై సెంచరీ కొట్టాడు. కానీ, ఆస్ట్రేలియా సిరీస్లో అదే ఫామ్ కొనసాగించలేకపోయాడు. దాంతో, మళ్లీ జట్టుకు దూరమయ్యాడు. ఈ 15 ఏళ్ల కెరీర్లో ఫవాద్ 19 టెస్టులు, 38 వన్డేలు, 24 టీ20లు ఆడాడంతే. టెస్టుల్లో 5 , వన్డేల్లో ఒక శతకం మాత్రమే బాదాడు.