చెన్నై సూపర్ కింగ్స్ అధికారికంగా ప్లేఆప్స్ రేసు నుంచి తప్పకుంది. ముంబై ఇండియన్స్తో జరిగిన మ్యాచ్లో చెన్నై చిత్తుగా ఓడింది. టాస్ ఓడి బ్యాటింగ్ చేసిన చెన్న జట్టు బ్యాటింగ్ లైనప్ కుప్పకూలడంతో 97 పరుగులకే కుప్పకూలింది. లక్ష్య ఛేదనలో ముంబై కూడా తడబడింది. యువ ఓపెనర్ ఇషాన్ కిషన్ (6) తొలి ఓవర్లోనే పెవిలియన్ చేరాడు.
కాసేపటికే రోహిత్ శర్మ (18) కూడా అవుటయ్యాడు. వెంటనే డానియల్ శామ్స్ (1), ట్రిస్టన్ స్టబ్స్ (0) పెవిలియన్ చేరారు. అయితే తిలక్ వర్మ (34 నాటౌట్) మరో వికెట్ పడకుండా జాగ్రత్త పడ్డాడు. అతనికి కాసేపు సహకారం అందించిన హృతిక్ షోకీన్ (18)ను మొయీన్ అలీ అవుట్ చేశాడు. చివర్లో వచ్చిన టిమ్ డేవిడ్ (7 బంతుల్లో 16 నాటౌట్) రెండు భారీ సిక్సర్లతో ముంబైని విజయతీరాలకు చేర్చాడు.
దీంతో 14.5 ఓవరల్లోనే ఐదు వికెట్ల తేడాతో ముంబై జట్టు గెలిచింది. చెన్నై బౌలర్లలో ముఖేష్ చౌదరి మూడు వికెట్లతో సత్తా చాటగా.. సిమర్జీత్ సింగ్, మొయీన్ అలీ చెరో వికెట్ తీసుకున్నారు.