Smriti and Palash: స్మృతి పెళ్లి వివాదంతో సంబంధం లేదు.. ప్ర‌క‌టించిన లేడీ కొరియోగ్రాఫ‌ర్లు

Smriti and Palash: స్మృతి మంధానా, ప‌లాశ్ ముచ్చ‌ల్ పెళ్లి ఆగిపోవ‌డానికి తాము కార‌ణం కాదు అని ఇద్ద‌రు కొరియోగ్రాఫ‌ర్లు ప్ర‌క‌టించారు. నందికా ద్వివేది, గుల్మాజ్ ఖాన్ త‌మ సోష‌ల్ మీడియాలో ఈ విష‌యాన్ని వెల్ల‌డించారు.

న్యూఢిల్లీ: మ‌హిళా క్రికెట‌ర్ స్మృతి మంధానా(Smriti Mandana), మ్యూజిక్ కంపోజ‌ర్ ప‌లాశ్ ముచ్చ‌ల్(Palash Muchhal) పెళ్లి ఆగిపోయిన విష‌యం తెలిసిందే. స్మృతి తండ్రి ఆస్ప‌త్రిలో చేర‌డంతో.. అక‌స్మాత్తుగా పెళ్లి నిలిపివేశారు. అయితే ఓ కొరియోగ్రాఫ‌ర్‌ను పలాశ్ చీట్ చేసిన‌ట్లు ఆరోప‌ణ‌లు రావ‌డంతో పెళ్లి ఆగిపోయి ఉంటుంద‌ని ఊహాగానాలు వినిపించాయి. సోష‌ల్ మీడియాలో ప‌లువురు అమ్మాయిల పేర్లు కూడా వైర‌ల్ అవుతున్నాయి. ఈ నేప‌థ్యంలో నందికా ద్వివేది, గుల్నాజ్ అనే ఇద్ద‌రు కొరియోగ్రాఫ‌ర్లు ప‌బ్లిక్ స్టేట్మెంట్ జారీ చేశారు. త‌మ‌పై వ‌స్తున్న ఆరోప‌ణ‌లు నిరాధార‌మైన‌వ‌న్నారు. డ్యాన్స‌ర్ నందిక త‌న ఇన్‌స్టాగ్రామ్‌లో దీనిపై వివ‌ర‌ణ ఇచ్చింది. స్మృతి మంధానా, ప‌లాశ్ ముచ్చ‌ల్ మ్యారేజ్ వివాదంతో త‌న‌కు సంబంధం లేద‌ని చెప్పింది. ఒక‌రి రిలేష‌న్‌ను దెబ్బ‌తీసిన‌ట్లు వ‌స్తున్న ఆరోప‌ణ‌లు అవాస్త‌వం అని ఆమె పేర్కొన్న‌ది. త‌ప్పుడు పుకార్లు త‌న మాన‌సిక ఆరోగ్యాన్ని దెబ్బ‌తీసిన‌ట్లు ఆమె పేర్కొన్న‌ది.

మ‌రో కొరియోగ్రాఫ‌ర్ గుల్నాజ్ కూడా త‌న‌పై వ‌స్తున్న ఆరోప‌ణ‌ల‌కు కౌంట‌ర్ ఇచ్చింది. స్మృతి, ప‌లాశ్ పెళ్లి వాయిదా ప‌డ‌టానికి త‌నకు సంబంధం లేని అంశ‌మ‌ని పేర్కొన్న‌ది. స‌రిగా పెళ్లి రోజు ఉద‌య‌మే స్మృతి తండ్రి శ్రీనివాస్ మంధానా ఆరోగ్యం క్షీణించ‌డంతో ఆస్ప‌త్రిలో చేర్పించారు. పెళ్లిని వాయిదా వేశారు. ఆ త‌ర్వాత రోజు ప‌లాశ్ కూడా అనారోగ్యంతో ఆస్ప‌త్రిలో చేరాడు. తండ్రి ఆస్ప‌త్రిలో చేర‌డంతో.. క్రికెట‌ర్ స్మృతి త‌న ఇన్‌స్టా అకౌంట్‌లో ఉన్న ప‌లాశ్ వీడియోల‌ను డిలీట్ చేసింది.