Chamika Karunaratne : ఆట ఏదైనా కొన్నిసార్లు ప్లేయర్స్ అనుకోకుండా గాయ పడుతుంటారు. క్రికెట్లో ఫీల్డర్లకు క్యాచ్ పడుతుండగా అప్పుడప్పుడు దెబ్బలు తగులుతాయి. తాజాగా అలాంటి సంఘటనే జరిగింది. శ్రీలంక క్రికెటర్ చమిక కరుణరత్నే క్యాచ్ పట్టుకునే క్రమంలో 4 పళ్లు పోగొట్టుకున్నాడు. ఈ ఘటన లంకన్ ప్రీమియర్ టీ20 లీగ్ (ఎల్పీఎల్) బుధవారం చోటుచేసుకుంది. చమిక తీవ్రంగా గాయపడడంతో అతడిని ఆస్పత్రికి తరలించారు. ప్రస్తుతం అతని ఆరోగ్యం నిలకడగా ఉంది.
చమిక క్యాండీ ఫాల్కన్స్ తరఫున ఆడుతున్నాడు. గాలే గ్లాడియేటర్స్తో జరిగిన మ్యాచ్లో నువానిడు ఫెర్నాండో బంతిని గాల్లోకి లేపాడు. ఆ క్యాచ్ను అందుకోవడానికి చమిక వెనక్కి పరుగెత్తాడు. క్యాచ్ పట్టుకున్నాడు. దాంతో, తోటి ఆటగాళ్లు సంతోషంతో పరుగెత్తుతూ అతని దగ్గరకు వచ్చారు. అయితే.. చమిక మాత్రం వాళ్లను దూరంగా ఉండాలని వారించాడు. ఎందుకో వాళ్లకు అర్థం కాలేదు. క్యాచ్ పట్టే క్రమంలో బంతి నేరుగా అతని ముఖానికి బలంగా తాకింది. దాంతో నోటి వెంట రక్తం కారింది. బంతి గట్టిగా తాకడంతో ఒక పన్ను ఊడొచ్చింది. వెంటనే అతడిని గాలేలోని ఆస్పత్రికి తరలించారు. అక్కడ మరో మూడు పళ్లను డాక్టర్లు తీసేశారు. చమిక ఆరోగ్యం బాగానే ఉందని, తర్వాతి స్టేజ్ మ్యాచ్లకు అతను అందుబాటులో ఉంటాడని క్యాండీ ఫాల్కన్ యాజమాన్యం వెల్లడించింది. ఈ మ్యాచ్లో క్యాండీ ఫాల్కన్ జట్టు 5 వికెట్ల తేడాతో విజయం సాధించింది.
Chamika Karunaratne lost 4 teeth while taking a catchpic.twitter.com/WFphzmfzA1
— Out Of Context Cricket (@GemsOfCricket) December 8, 2022