Babar Azam | బాబర్‌ నయా చరిత్ర.. పాకిస్తాన్‌ సూపర్‌ లీగ్‌లో తొలి క్రికెటర్‌గా రికార్డు

Babar Azam | ఇటీవలే మొదలైన పాకిస్తాన్‌ సూపర్‌ లీగ్‌ (పీఎస్‌ఎల్‌)లో భాగంగా తాను ప్రాతినిథ్యం వహిస్తూ సారథిగా వ్యవహరిస్తున్న పెషావర్‌ జల్మీ తరఫున తొలి మ్యాచ్‌ ఆడిన బాబర్..

Babar Azam | పాకిస్తాన్‌ క్రికెట్‌ జట్టు మాజీ సారథి బాబర్‌ ఆజమ్‌ మరో అరుదైన రికార్డును తనపేరిట లిఖించుకున్నాడు. ఇటీవలే మొదలైన పాకిస్తాన్‌ సూపర్‌ లీగ్‌ (పీఎస్‌ఎల్‌)లో భాగంగా తాను ప్రాతినిథ్యం వహిస్తూ సారథిగా వ్యవహరిస్తున్న పెషావర్‌ జల్మీ తరఫున తొలి మ్యాచ్‌ ఆడిన బాబర్.. ఈ లీగ్‌లో 3 వేల పరుగుల మైలురాయిని అందుకున్న తొలి క్రికెటర్‌గా రికార్డులకెక్కాడు. ఆదివారం క్వెట్టా గ్లాడియేటర్స్‌తో జరిగిన మ్యాచ్‌లో 42 బంతుల్లోనే 68 పరుగులు చేసిన బాబర్‌.. ఈ ఘనత అందుకున్నాడు. అయితే బాబర్‌ బాదినా అతడి జట్టు మాత్రం ఓటమిపాలైంది.

ఈ మ్యాచ్‌కు ముందు పీఎస్‌ఎల్‌లో బాబర్‌.. 3 వేల పరుగులు చేరడానికి 65 పరుగుల దూరంలో నిలిచాడు. అయితే క్వెట్టాతో మ్యాచ్‌లో బాబర్‌ వేగంగా ఆడి 42 బంతుల్లో 4 బౌండరీలు, 4 భారీ సిక్సర్ల సాయంతో 68 రన్స్‌ సాధిచండంతో అతడు 3 వేల పరుగుల (78 ఇన్నింగ్స్‌) మైలురాయిని దాటాడు. పీఎస్‌ఎల్‌లో అత్యధిక పరుగులు చేసిన ఆటగాళ్లలో బాబర్‌ తర్వాత.. ఫకర్‌ జమాన్‌ (77 ఇన్నింగ్స్‌లలో 2,381 రన్స్‌), షోయభ్‌ మాలిక్‌ (78 ఇన్నింగ్స్‌లలో 2,135) , మహ్మద్‌ రిజ్వాన్‌ (61 ఇన్నింగ్స్‌లలో 2007)లు తదుపరి స్థానాలలో ఉన్నారు. ఈ మ్యాచ్‌లో బాబర్‌ మరో ఆరు పరుగులు చేసుంటే టీ20 పార్మాట్‌లో అతడు చేసిన పరుగులు 10 వేలు దాటేవి. పాకిస్తాన్‌ నుంచి షోయభ్‌ మాలిక్‌ ఒక్కడే ఈ ఘనత సాధించిన బ్యాటర్‌గా ఉన్నాడు.

 

𝐔𝐍𝐏𝐀𝐑𝐀𝐋𝐋𝐄𝐋𝐄𝐃 👑

First batter to score 3️⃣0️⃣0️⃣0️⃣ runs in HBL PSL 🥇#HBLPSL9 | #KhulKeKhel | #QGvPZ pic.twitter.com/SHd7F2VzSp

— PakistanSuperLeague (@thePSLt20) February 18, 2024

బాబర్‌ దంచికొట్టినా పెషావర్‌ జల్మీ మాత్రం ఓటమితో టోర్నీని ఆరంభించింది. ఈ మ్యాచ్‌లో మొదట టాస్‌ ఓడి బ్యాటింగ్‌కు వచ్చిన క్వెట్టా.. జేసన్‌ రాయ్‌ (48 బంతుల్లో 75, 9 ఫోర్లు, 2 సిక్సర్లు), సౌద్‌ షకీల్‌ (47 బంతుల్లో 74, 6 ఫోర్లు, 4 సిక్సర్లు) తొలి వికెట్‌కు 157 పరుగుల తొలి వికెట్‌ భాగస్వామ్యం నమోదుచేశారు. ఈ ఇద్దరి విజృంభణతో క్వెట్టా.. నిర్ణీత 20 ఓవర్లలో 5 వికెట్లు కోల్పోయి 206 రన్స్‌ చేసింది. అనంతరం ఛేదనలో పెషావర్‌ కూడా దంచికొట్టింది. ఓపెనర్లు సయీమ్‌ అయూబ్‌ (26 బంతుల్లో 42, 2 ఫోర్లు, 3 సిక్సర్లు), బాబర్‌ ఆజమ్‌ (42 బంతుల్లో 68, 4 ఫోర్లు, 4 సిక్సర్లు) తొలి వికెట్‌కు 8.4 ఓవర్లలోనే 91 పరుగులు జతచేశారు. కానీ ఈ ఇద్దరూ ఔటయ్యాక ఆ జట్టు బ్యాటింగ్‌ లైనప్‌ గాడితప్పింది. 20 ఓవర్లలో ఆ జట్టు 6 వికెట్ల నష్టానికి 190 పరుగులు మాత్రమే చేయగలిగింది. దీంతో క్వెట్టా.. 16 పరుగుల తేడాతో విజయాన్ని అందుకుంది.