షూలో కూల్‌డ్రింక్ పోసుకుని.. తాగేసి చిందేసిన ఆసీస్ ప్లేయ‌ర్లు.. వీడియో
దుబాయ్‌: కూల్ డ్రింక్‌ను షూలో పోసుకుని తాగ‌డం ఆస్ట్రేలియాలో ఓ పాపుల‌ర్ సెల‌బ్రేష‌న్‌. టీ20 వ‌ర‌ల్డ్‌క‌ప్ నెగ్గిన ఆసీస్ ప్లేయ‌ర్లు ఆ మ‌జాలోనే తేలారు. న్యూజిలాండ్‌తో జ‌రిగిన ఫైన‌ల్లో సూప‌ర్ విక్ట‌రీ కొట్టిన ఆస్ట్రేలియా ఆట‌గాళ్లు హంగామా చేశారు. డ్రెస్సింగ్ రూమ్‌లో పాట‌లు పాడుతూ చిందులేశారు. ఆసీస్ ప్లేయ‌ర్ల సంబ‌రాల‌కు సంబంధించిన వీడియోల‌ను ఐసీసీ ట్వీట చేసింది. ఎల్లో జెర్సీల్లో ఉన్న ఆసీస్ ఆట‌గాళ్లు ఫుల్ జోష్‌లో ఎంజాయ్ చేశారు. మాథ్యూ వేడ్‌, మార్క‌స్ స్టోనియిస్‌లు త‌మ కాళ్ల‌కు ఉన్న షూల‌ను తీసి .. వాటిల్లో కూల్‌డ్రింక్ పోసి తాగుతూ స్టెప్పులేశారు. షూలో డ్రింక్ పోసుకుని తాగితే అదృష్టం క‌లిసివ‌స్తుంద‌న్న ఆస్ట్రేలియ‌న్ల న‌మ్మ‌కం.
Read Today's Latest Sports News in Telugu and Telugu News
- Follow Us :
-
