విజయం దిశగా ఆసీస్‌

ఆల్‌రౌండ్‌ ప్రదర్శనతో అదరగొట్టిన ఆస్ట్రేలియా.. వెస్టిండీస్‌తో జరుగుతున్న రెండో టెస్టులో విజయానికి చేరువైంది. 497 పరుగుల భారీ లక్ష్యంతో రెండో ఇన్నింగ్స్‌ ప్రారంభించిన విండీస్‌.. శనివారం మూడో రోజు ఆట ముగిసే సమయానికి 4 వికెట్లు కోల్పోయి 38 పరుగులు చేసింది.

అడిలైడ్‌: ఆల్‌రౌండ్‌ ప్రదర్శనతో అదరగొట్టిన ఆస్ట్రేలియా.. వెస్టిండీస్‌తో జరుగుతున్న రెండో టెస్టులో విజయానికి చేరువైంది. 497 పరుగుల భారీ లక్ష్యంతో రెండో ఇన్నింగ్స్‌ ప్రారంభించిన విండీస్‌.. శనివారం మూడో రోజు ఆట ముగిసే సమయానికి 4 వికెట్లు కోల్పోయి 38 పరుగులు చేసింది. ఆసీస్‌ బౌలర్లలో బోలాండ్‌ 3 వికెట్లు పడగొట్టాడు. చేతిలో 6 వికెట్లు ఉన్న కరీబియన్లు.. ప్రత్యర్థి స్కోరుకు ఇంకా 459 పరుగులు వెనుకబడి ఉన్నారు. అంతకుముందు ఆస్ట్రేలియా 511/7 వద్ద తొలి ఇన్నింగ్స్‌ డిక్లేర్‌ చేయగా.. వెస్టిండీస్‌ 214 రన్స్‌కు ఆలౌటైంది. తొలి ఇన్నింగ్స్‌లో భారీ ఆధిక్యం దక్కించుకున్న ఆసీస్‌.. 199/6 వద్ద రెండో ఇన్నింగ్స్‌ డిక్లేర్‌ చేసింది. మరో రెండు రోజుల ఆట మిగిలి ఉన్న ఈ టెస్టులో ఫలితం తేలడం పక్కా కాగా.. విండీస్‌ ఏమాత్రం పోరాడుతుందో చూడాలి. కెప్టెన్‌ బ్రాత్‌వైట్‌ (3), తేజ్‌నారాయణ్‌ చంద్రపాల్‌ (17), బ్రూక్స్‌ (0), బ్లాక్‌వుడ్‌ (0) పెవిలియన్‌ చేరిపోగా.. థామస్‌ (8), హోల్డర్‌ (8) పోరాడుతున్నారు.