Visit:
Andre Russell | వెస్టిండిస్‌ ఆల్‌రౌండర్‌ ఆండ్రీ రస్సెల్ అంతర్జాతీయ క్రికెట్‌కు రిటైర్మెంట్ ప్రకటించాడు. వెస్టిండీస్‌తో ఆస్ట్రేలియాతో స్వదేశంలో జరిగే ఐదు మ్యాచ్‌ల టీ20 సిరీస్‌లోని తొలి రెండు మ్యాచ్‌లు చివరి మ్యాచులు కానున్నాయి. 37 ఏళ్ల రస్సెల్ ఐదు మ్యాచ్‌ల సిరీస్ కోసం జట్టులో చోటు దక్కించుకున్నాడు. జమైకాలోని సబీనా పార్క్‌లోని హోంగ్రౌండ్‌లో జరిగే తొలి రెండు మ్యాచులు ఆడి ఇంటర్నేషనల్‌ క్రికెట్‌కు వీడ్కోలు పలుకనున్నాడు. విండీస్ క్రికెట్ రిటైర్మెంట్‌ను ధ్రువీకరిస్తూ పోస్ట్‌ చేసింది. ‘దాని అర్థాన్ని పదాలు వివరించలేవు. వెస్టిండీస్‌కు ప్రాతినిధ్యం వహించడం నా జీవితంలో గర్వించదగ్గ విజయాలలో ఒకటి.
నేను చిన్నప్పుడు ఈ స్థాయికి చేరుకుంటానని ఊహించలేదు. కానీ , మీరు క్రీడను ఎంత ఎక్కువగా ఆడటం, ప్రేమించడం ప్రారంభిస్తే మీరు ఏమి సాధించగలరో మీరు గ్రహిస్తారు. ఇది నన్ను మెరుగ్గా మారడానికి ప్రేరేపించింది ఎందుకంటే నేను మెరూన్ రంగులో ఒక ముద్ర వేయాలని, ఇతరులకు ప్రేరణగా మారాలని కోరుకున్నాను’ అని రస్సేల్‌ పేర్కొన్నాడు. ‘నేను వెస్టిండీస్ తరపున ఆడటం ఇష్టపడతాను. నా కుటుంబం, స్నేహితుల ముందు ఇంట్లో ఆడడం నాకు చాలా ఇష్టం. నా ప్రతిభను ప్రదర్శించడానికి, మరింత ఉత్తమ ప్రదర్శన ఇవ్వడానికి అవకాశం లభిస్తుంది.
కరేబియన్ నుంచి వచ్చే తదుపరి తరం క్రికెటర్లకు రోల్ మోడల్‌గా ఉంటూనే నా అంతర్జాతీయ కెరీర్‌ను ఉన్నతంగా ముగించాలనుకుంటున్నాను’ అని పేర్కొన్నారు. రస్సెల్ 2019 నుంచి టీ20 స్పెషలిస్ట్‌ ప్లేయర్‌గా నిలిచాడు. వెస్టిండిస్‌ తరఫున 84 టీ20 మ్యాచ్‌లు ఆడాడు. 22.00 సగటు, 163.08 స్ట్రైక్ రేట్‌తో 1,078 పరుగులు చేశాడు. ఇందులో మూడు హాఫ్ సెంచరీలు ఉన్నాయి. అతని అత్యుత్తమ స్కోరు 71 పరుగులు. 30.59 సగటుతో 61 వికెట్లు తీసుకోగా.. అత్యుత్తమ బౌలింగ్ గణాంకాలు 3/19. వచ్చే ఏడాది భారత్‌, శ్రీలంక ఆతిథ్యం ఇవ్వనున్న ఐసీసీ టీ20 ప్రపంచకప్‌కు ఏడు నెలల ముందు రస్సెల్ రిటైర్మెంట్ ప్రకటించాడు.
ఇటీవలి కాలంలో రిటైర్మెంట్ ప్రకటించిన రెండో వెస్టిండీస్ విధ్వంసకరమైన ఆటగాడు రస్సెల్. ఇంతకు ముందు నికోలస్‌ పూరన్‌ సైతం రిటైర్మెంట్ ప్రకటించిన విషయం తెలిసిందే. ఇక రస్సెల్ వెస్టిండిస్‌ తరఫున ఒక టెస్టు మాత్రమే ఆడాడు. 56 వన్డే మ్యాచులు ఆడి 27.21 సగటుతో 1,034 పరుగులు చేశాడు. నాలుగు హాఫ్ సెంచరీలు ఉండగా.. 92 నాటౌట్‌ అత్యుత్తమ స్కోరు. వన్డేల్లో 31.84 సగటుతో 70 వికెట్లు పడగొట్టాడు. అత్యుత్తమ బౌలింగ్ గణాంకాలు 4/35. రస్సెల్ 2012, 2016లో ఐసీసీ టీ20 ప్రపంచ కప్‌లను గెలుచుకున్న వెస్టిండీస్ జట్టు సభ్యుల్లో ఒకడు.
రస్సెల్ పలు టీ20 లీగ్‌లో కీలకపాత్ర పోషించాడు. 561 మ్యాచ్‌ల్లో 26.39 సగటుతో 9,316 పరుగులు చేశాడు. ఇందులో రెండు సెంచరీలు, 33 అర్ధ సెంచరీలు ఉన్నాయి. అత్యుత్తమ స్కోర్‌ 121 నాటౌట్‌. బౌలర్‌గా 25.85 సగటుతో 485 వికెట్లు పడగొట్టాడు. ఉత్తమ గణాంకాలు 5/15. ఇటీవల యూఎస్‌ఏ లాస్ ఏంజిల్స్ నైట్ రైడర్స్ (LAKR) తరఫున మేజర్ క్రికెట్ లీగ్ (MLC)లో ఆడాడు. తొమ్మిది మ్యాచ్‌లు, ఎనిమిది ఇన్నింగ్స్‌లలో 25.20 సగటుతో 126 పరుగులు చేశాడు. బెస్ట్‌ స్కోర్‌ 65 నాటౌట్‌. 32.90 సగటుతో 10 వికెట్లు కూల్చగా.. 3/30 అత్యుత్తమ గణాంకాలు. అయితే ఈ జట్టు ప్లేఆఫ్స్‌కు చేరుకోలేకపోయింది. పట్టికలో అట్టడుగున నిలిచింది.
Thank You, DRE RUSS!🫶🏽
For 15 years, you played with heart, passion, and pride for the West Indies 🌴
From being a two-time T20 World Cup Champion to your dazzling power on and off the field.❤️
WI Salute You!🏏#OneLastDance #WIvAUS #FullAhEnergy pic.twitter.com/bEWfdMGdZ7
— Windies Cricket (@windiescricket) July 16, 2025
