హైదరాబాద్, ఆట ప్రతినిధి: హైదరాబాద్ క్రికెట్ అసోసియేషన్ ఆధ్వర్యంలో జరుగుతున్న వన్డే లీగ్లో అంబర్పేట క్రికెట్ క్లబ్..గన్రాక్ సీసీపై 47 పరుగుల తేడాతో విజయం సాధించింది. శుక్రవారం జరిగిన మ్యాచ్లో తొలుత బ్యాటింగ్కు దిగిన అంబర్పేట జట్టు తరఫున ఓపెనర్ జీ ప్రేమ్(170 బంతుల్లో 202 నాటౌట్) డబుల్ సెంచరీతో అదరగొట్టాడు. గన్రాక్ బౌలర్లను ఉతికి ఆరేస్తూ ప్రేమ్ బౌండరీలతో విరుచుకుపడ్డాడు. దీంతో నిర్ణీత 50 ఓవర్లలో 303/2 స్కోరు చేసింది. చూడచక్కని ఆటతీరు కనబరిచిన ఈ యువ బ్యాటర్..మైదానం నలువైపులా బౌండరీలతో అలరించాడు. ఆ తర్వాత లక్ష్యఛేదనకు దిగిన గన్రాక్ టీమ్ 42 ఓవర్లలో 256 పరుగులకు ఆలౌటైంది. మోహిత్(5/50)కు తోడు ప్రేమ్(3/28) విజృంభించాడు. హుస్సేన్(104) సెంచరీతో ఆకట్టుకోగా అక్షిత్(53) అర్ధసెంచరీ చేశాడు.