కరీంనగర్‌లో ఆలిండియా చెస్‌ టోర్నీ

కరీంనగర్‌ జిల్లా కేంద్రంలోని వైశ్యభవన్‌లో ఆలిండియా ఫిడే రేటింగ్‌ ఓపెన్‌ చెస్‌ టోర్నీ మంగళవారం ఘనంగా మొదలైంది. విశ్వనాథ్‌ చెస్‌ అకాడమీ ఆధ్వర్యంలో జిల్లాలో తొలిసారిగా జరుగుతున్న ఈ పోటీల్లో మనదేశంతో పాటు అస్ట్రేలియా, వివిధ రాష్ర్టాల నుంచి 260 మంది ప్లేయర్లు పాల్గొంటున్నారు.

కొత్తపల్లి: కరీంనగర్‌ జిల్లా కేంద్రంలోని వైశ్యభవన్‌లో ఆలిండియా ఫిడే రేటింగ్‌ ఓపెన్‌ చెస్‌ టోర్నీ మంగళవారం ఘనంగా మొదలైంది. విశ్వనాథ్‌ చెస్‌ అకాడమీ ఆధ్వర్యంలో జిల్లాలో తొలిసారిగా జరుగుతున్న ఈ పోటీల్లో మనదేశంతో పాటు అస్ట్రేలియా, వివిధ రాష్ర్టాల నుంచి 260 మంది ప్లేయర్లు పాల్గొంటున్నారు. ఫిడే రేటింగ్‌ పద్ధతిలో ఈ వీటిని నిర్వహిస్తుండగా ప్రతీ ప్లేయర్‌ 9 రౌండ్లపాటు పోటీల్లో పాల్గొననున్నారు.

రాష్ట్ర పౌర సరఫరాల కార్పొరేషన్‌ చైర్మన్‌ సర్దార్‌ రవీందర్‌సింగ్‌ తొలి ఎత్తువేసి పోటీలను ప్రారంభించారు. ఈ కార్యక్రమంలో రాజేంద్రప్రసాద్‌, కన్నకృష్ణ, విశ్వనాథ్‌ పాల్గొన్నారు. చీఫ్‌ ఆర్బిటర్‌గా ఆర్‌ చంద్రమౌళి వ్యవహరిస్తున్నారు.