Naveen-ul-Haq : వన్డే ప్రపంచ కప్లో పెద్ద జట్లకు షాకిస్తున్న అఫ్గనిస్థాన్(Afghanistan) కీలక సమరానికి సిద్ధమవుతోంది. సెమీస్ రేసులో నిలవాలంటే గెలవక తప్పని మ్యాచ్లో నవంబర్ 7న బలమైన ఆస్ట్రేలియాను ఢీ కొనబోతోంది. ముంబైలోని వాంఖడేలో జరిగే ఈ పోరుకు ముందు అఫ్గన్ పేసర్ నవీన్ ఉల్ హక్ కంగారూలపై షాకింగ్ కామెంట్స్ చేశాడు.
‘ద్వైపాక్షిక సిరీస్ ఆడేందుకు క్రికెట్ ఆస్ట్రేలియా నిరాకరించింది. అయితే.. వరల్డ్ కప్లో ఆడడం చాలా ఆసక్తిగా ఉండనుంది’ అనే పోస్టు పెట్టాడు. అందులోనే స్టాండర్స్, మానవ హక్కులు లేదా రెండు పాయింట్లు అనే హాష్ట్యాగ్ పక్కనే ఆశ్చర్యం వ్యక్తం చేస్తున్న ఎమోజీతో నవీన్ ఆసీస్ తీరును ప్రశ్నించాడు.
ఈ ఏడాది ఆరభంలో అఫ్గనిస్థాన్లో ప్రభుత్వాన్ని ఏర్పాటు చేసిన తాలిబాన్లు.. మహిళలు క్రికెట్ ఆడడంపై ఆంక్షలు విధించడానికి నిరసనగా ఆస్ట్రేలియా వన్డే సిరీస్ రద్దు చేసుకున్న విషయం తెలిసిందే. ఇది మనసులో పెట్టుకున్న నవీన్ ఉల్ హక్ వరల్డ్ కప్లో కమిన్స్ సేనపై సత్తా చాటాలనే కసితో ఉన్నాడు.
భారత గడ్డపై జరుగుతున్న మెగాటోర్నీలో అఫ్గనిస్థాన్ సంచన విజయాలు సాధిస్తోంది. ఇప్పటికే డిఫెండింగ్ చాంపియన్ ఇంగ్లండ్, పాకిస్థాన్, శ్రీలంకను ఓడించి.. 8 పాయింట్లతో ఆరో స్థానంలో కొనసాగుతోంది. మరోవైపు ఇంగ్లండ్పై ఆరో ఓటమిని అందించిన ఆసీస్.. 10 పాయింట్లతో సెమీస్ బెర్తుకు మరింత చేరువైంది. ఆ మ్యాచ్లో కాబూలీలు అద్భుతం చేస్తే.. కంగారూల సెమీస్ ఆశలకు గండి కొట్టినట్టే.