అబుదాది టీ10 లీగ్ షెడ్యూల్‌ ఖరారు​

దుబాయ్‌: ప్రపంచవ్యాప్తంగా కొన్ని దేశాల్లో కరోనా వైరస్‌ విజృంభిస్తూనే ఉంది. కరోనా మహమ్మారి కారణంగా ఐపీఎల్‌ 2021 సీజన్‌ను నిరవధికంగా వాయిదా వేశారు. మరోవైపు అబుదాది టీ( 10Abu Dhabi T10 league ) టోర్నమెంట్‌ ఐదో సీజన్‌ను నిర్వహించేందుకు ఏర్పాట్లు చేస్తున్నారు. ఈ టోర్నీలో అంతర్జాతీయ స్టార్‌ క్రికెటర్లు పాల్గొంటున్నారు.

టెన్ స్పోర్ట్స్‌ మేనేజ్‌మెంట్‌(TSM) , అబుదాబి క్రికెట్‌ లీగ్‌(ADC) షెడ్యూల్‌ను విడుదల చేశాయి.
15 రోజుల పాటు జరిగే ఈ టోర్నమెంట్‌ నవంబర్‌ 19 నుంచి డిసెంబర్‌ 4 వరకు నిర్వహించనున్నారు. క్రికెట్‌లో ఫాస్టెస్ట్‌ ఫార్మాట్‌, 10 ఓవర్ల పాటు జరిగే లీగ్‌ గత సీజన్లలో 10 రోజుల పాటు జరగ్గా…ఈ ఏడాది 15 రోజులకు పొడిగించారు. మ్యాచ్‌ 90 నిమిషాల్లోనే ముగియనుంది.
ఇందులో 8 జట్లు పాల్గొంటాయి. యూఏఈ 50వ జాతీయ దినోత్సవం డిసెంబర్‌ 2న జరగనున్న నేపథ్యంలో పబ్లిక్‌ హాలిడేలను దృష్టిలో ఉంచుకొని షెడ్యూల్‌ ఖరారు చేశారు.