Visit:
YouTube : యూట్యూబ్లో ఇప్పుడు ఎక్కువగా చూస్తున్నవి షార్ట్ వీడియోలే. ఇవి కొందరికి ఉపయోగకరం. కానీ, వీటివల్ల చాలా మంది తమ టైం వేస్టు అవుతుందని భావిస్తున్న వాళ్లు ఉన్నారు. ఎందుకంటే ఒక షార్ట్ వీడియో చూడటం ప్రారంభిస్తే వరుసగా వీడియోలు చూస్తూనే ఉండిపోతున్నారు. అలాగని, యూట్యూబ్లో ఇవి రాకుండా ఉండే ఆప్షన్ ఇంతకుముందు లేదు.
యూట్యూబ్ ఓపెన్ చేస్తే షార్ట్స్ వచ్చి తీరుతున్నాయి. అయితే, ఇకపై వీటిని హైడ్ చేసుకునే వీలుంది. ఈ కొత్త అప్డేట్ను యూట్యూబ్ ఇప్పటికే కొందరు యూజర్లకు తీసుకొచ్చినట్లు సమాచారం. సెట్టింగ్స్లోకి వెళ్లి మార్పులు చేసుకుంటే ఇకపై షార్ట్స్ రావు. దీనికి సంబంధించిన ప్రాసెస్ ఇది. యూట్యూబ్ యాప్ లేదా వెబ్ పేజ్ ఓపెన్ చేసి, సెట్టింగ్స్లోకి వెళ్లాలి. తర్వాత టైం మేనేజ్మెంట్ కనిపిస్తుంది. అనంతరం స్క్రోల్ టు డైలీ లిమిట్స్. ఇందులో షార్ట్స్ ఫీడ్ లిమిట్ను టర్న్ ఆన్ చేయాలి. తర్వాత ‘0 మినట్స్’పై క్లిక్ చేస్తే చాలు. మీ యూట్యూబ్లో షార్ట్స్ కనిపించవు.
హోం పేజీలో కూడా ఉండవు. అయితే, షార్ట్స్ పూర్తిగా పోవు. మీ సెర్చ్ ఫీడ్లోనో, రెకమండేషన్స్లోనో, ఛానల్స్లోనో కనిపిస్తాయి. అయినప్పటికీ కొత్తగా వచ్చిన ఫీచర్ అనవసరంగా షార్ట్స్ చూసే టైం తగ్గిస్తుంది.
