vivo T4 Pro | అదిరిపోయే ఫీచ‌ర్ల‌తో లాంచ్ అయిన వివో టి4 ప్రొ స్మార్ట్ ఫోన్‌.. ధ‌ర ఎంతంటే..?

మొబైల్స్ త‌యారీదారు వివో టి సిరీస్‌లో ఓ నూత‌న స్మార్ట్ ఫోన్‌ను భార‌త్‌లో విడుద‌ల చేసింది. టి4 ప్రొ పేరిట ఈ ఫోన్‌ను మార్కెట్‌లో లాంచ్ చేశారు. ఇందులో ప‌లు అద్బుత‌మైన ఫీచ‌ర్ల‌ను అందిస్తున్నారు.

vivo T4 Pro | మొబైల్స్ త‌యారీదారు వివో టి సిరీస్‌లో ఓ నూత‌న స్మార్ట్ ఫోన్‌ను భార‌త్‌లో విడుద‌ల చేసింది. టి4 ప్రొ పేరిట ఈ ఫోన్‌ను మార్కెట్‌లో లాంచ్ చేశారు. ఇందులో ప‌లు అద్బుత‌మైన ఫీచ‌ర్ల‌ను అందిస్తున్నారు. మిడ్‌రేంజ్ సెజ్‌మెంట్‌లో ఈ ఫోన్ ఇత‌ర కంపెనీల ఫోన్ల‌కు పోటీ ఇవ్వ‌నుంది. ఇందులో 6.77 ఇంచుల క‌ర్వ్‌డ్ అమోలెడ్ డిస్‌ప్లేను ఏర్పాటు చేశారు. దీనికి ఫుల్ హెచ్‌డీ ప్ల‌స్ రిజ‌ల్యూష‌న్‌ను, 120 హెడ్జ్ రిఫ్రెష్ రేట్‌ను అందిస్తున్నారు. అందువ‌ల్ల డిస్‌ప్లే చాలా క్వాలిటీగా ఉంటుంది. అద్భుత‌మైన దృశ్యాల‌ను వీక్షించ‌వ‌చ్చు. సూర్య‌కాంతిలోనూ స్పష్టంగా క‌నిపించేలా ఈ ఫోన్ డిస్‌ప్లేకు ఏకంగా 5000 నిట్స్ పీక్ బ్రైట్ నెస్‌ను అందిస్తున్నారు. ఈ ఫోన్‌లో స్నాప్ డ్రాగ‌న్ 7 జెన్ 4 ప్రాసెస‌ర్‌ను ఏర్పాటు చేయ‌గా ప్ర‌త్యేకంగా వీసీ స్మార్ట్ కూలింగ్ సిస్ట‌మ్‌ను అందిస్తున్నారు. అందువ‌ల్ల ఫోన్‌ను ఎంత తీవ్రంగా ఉప‌యోగించిన‌ప్ప‌టికీ అంత ఎక్కువ‌గా హీట్‌కు గురి కాదు.

ఏఐ ఫీచ‌ర్లు, భారీ బ్యాట‌రీ..

ఇక ఈ ఫోన్‌లో 12జీబీ వ‌ర‌కు ర్యామ్‌ను అందిస్తున్నారు. వెనుక వైపు 50 మెగాపిక్స‌ల్ మెయిన్ కెమెరా ఉంది. మ‌రో 50 మెగాపిక్స‌ల్ 3ఎక్స్ పెరిస్కోప్ టెలిఫొటో కెమెరా కూడా ఉంది. 2 మెగాపిక్స‌ల్ డెప్త్ సెన్సార్‌ను ఇచ్చారు. ముందు వైపు 32 మెగాపిక్స‌ల్ కెమెరా ఉంది. ఈ ఫోన్‌లో ఆండ్రాయిడ్ 15 ఆప‌రేటింగ్ సిస్ట‌మ్ ల‌భిస్తుంది. దీనికి గాను 4 ఆండ్రాయిడ్ అప్‌డేట్స్‌ను, 6 ఏళ్ల వ‌ర‌కు సెక్యూరిటీ అప్‌డేట్స్‌ను అందిస్తామ‌ని కంపెనీ చెబుతోంది. ఈ ఫోన్‌లో ప‌లు ఏఐ ఫీచ‌ర్ల‌ను సైతం అందిస్తున్నారు. స‌ర్కిల్ టు సెర్చ్‌, లైట్ కాల్ ట్రాన్స్‌లేష‌న్‌, ట్రాన్స్‌క్రిప్ట్ అసిస్ట్‌, ఎరేజ్ 2.0 వంటి ఏఐ ఫీచ‌ర్ల‌ను యూజ‌ర్లు వినియోగించుకోవ‌చ్చు. ఈ ఫోన్‌లో 6500 ఎంఏహెచ్ భారీ కెపాసిటీ ఉన్న బ్యాట‌రీ సైతం ఉంది. దీనికి గాను 90 వాట్ల ఫాస్ట్ చార్జింగ్‌కు స‌పోర్ట్‌ను అందిస్తున్నారు. అందువ‌ల్ల ఫోన్‌ను వేగంగా చార్జింగ్ చేసుకోవ‌చ్చు.

వాట‌ర్‌, డ‌స్ట్ రెసిస్టెన్స్ కూడా..

ఈ ఫోన్ డిస్‌ప్లేకు హెచ్‌డీఆర్ 10 ప్ల‌స్ స‌ర్టిఫికేష‌న్ ల‌భిస్తుంది. క‌నుక నాణ్య‌మైన ఫుల్ హెచ్‌డీ వీడియోల‌ను వీక్షించ‌వ‌చ్చు. అలాగే గేమ్స్‌కు కూడా అద్భుత‌మైన రిజ‌ల్యూష‌న్‌, ఫ్రేమ్ రేట్ లభిస్తాయి. ఈ డిస్‌ప్లేకు డైమండ్ షీల్డ్ గ్లాస్ ప్రొటెక్ష‌న్ ల‌భిస్తుంది. 8జీబీ, 12జీబీ ర్యామ్‌, 128జీబీ, 256జీబీ స్టోరేజ్ ఆప్ష‌న్ల‌లో ఈ ఫోన్‌ను లాంచ్ చేశారు. డ్యుయ‌ల్ సిమ్‌ల‌ను వేసుకోవ‌చ్చు. ఈ ఫోన్‌కు ఉన్న కెమెరాల‌తో అద్భుత‌మైన ఫ్రేమ్ రేట్‌తో ఏకంగా 4కె వీడియోల‌ను చిత్రీక‌రించుకోవ‌చ్చు. ఇన్ డిస్‌ప్లే ఫింగ‌ర్ ప్రింట్ సెన్సార్ కూడా ఉంది. యూఎస్‌బీ టైప్ సి ఆడియోకు ఇందులో స‌పోర్ట్ ల‌భిస్తుంది. ఐపీ 68, 69 డ‌స్ట్ అండ్ వాట‌ర్ రెసిస్టెన్స్ ఫీచ‌ర్ కూడా ల‌భిస్తుంది. 5జి సేవ‌ల‌ను ఉప‌యోగించుకోవ‌చ్చు. డ్యుయ‌ల్ 4జి వీవోఎల్‌టీఈ కూడా అందుబాటులో ఉంది. బ్లూటూత్ 5.4, యూఎస్‌బీ టైప్ సి వంటి అద‌న‌పు ఫీచ‌ర్ల‌ను కూడా అందిస్తున్నారు.

ధ‌ర వివ‌రాలు..

వివో టి4 ప్రొ స్మార్ట్ ఫోన్‌ను నైట్రో బ్లూ, బ్లేజ్ గోల్డ్ క‌ల‌ర్ ఆప్ష‌న్ల‌లో లాంచ్ చేశారు. ఈ ఫోన్‌కు చెందిన 8జీబీ ర్యామ్‌, 128జీబీ స్టోరేజ్ మోడ‌ల్ ధ‌ర రూ.27,999 ఉండ‌గా, 8జీబీ ర్యామ్‌, 256జీబీ స్టోరేజ్ మోడ‌ల్ ధ‌ర రూ.29,999గా ఉంది. అలాగే 12జీబీ ర్యామ్‌, 256జీబీ స్టోరేజ్ టాప్ మోడ‌ల్ ధ‌ర‌ను రూ.31,999గా నిర్ణ‌యించారు. ఈ ఫోన్‌ను వివో ఆన్‌లైన్ స్టోర్‌తోపాటు ఫ్లిప్‌కార్ట్‌, అన్ని ఆఫ్‌లైన్ స్టోర్స్‌లో ఆగ‌స్టు 29 నుంచి విక్ర‌యించ‌నున్నారు. లాంచింగ్ సందర్భంగా ఈ ఫోన్‌పై ఆఫ‌ర్ల‌ను సైతం అందిస్తున్నారు. హెచ్‌డీఎఫ్‌సీ, యాక్సిస్ బ్యాంకుల‌కు చెందిన కార్డుల‌తో రూ.3000 డిస్కౌంట్‌, రూ.3000 ఎక్స్ఛేంజ్ బోన‌స్‌ను పొంద‌వ‌చ్చు. 6 నెల‌ల వ‌ర‌కు నో కాస్ట్ ఈఎంఐ స‌దుపాయం కూడా ఉంది. ఈ ఫోన్‌ను కొన్న‌వారికి 2 నెల‌ల వ‌ర‌కు 10 ఓటీటీల యాప్‌ల ప్రీమియం స‌బ్‌స్క్రిప్ష‌న్‌ను ఉచితంగా ఇవ్వ‌నున్నారు.