realme GT8 Pro | భారీ బ్యాట‌రీ, క‌ళ్లు చెదిరిపోయే డిస్‌ప్లేతో లాంచ్ అయిన రియ‌ల్ మి కొత్త స్మార్ట్ ఫోన్‌.. ధ‌ర ఎంతంటే..?

ప్ర‌స్తుతం చాలా వ‌ర‌కు స్మార్ట్ ఫోన్ త‌యారీ కంపెనీలు త‌మ ఫ్లాగ్ షిప్ స్మార్ట్ ఫోన్ల‌లో అద్భుత‌మైన ఫీచ‌ర్ల‌ను అందించేందుకు పోటీ ప‌డుతున్నాయి. ఈ క్ర‌మంలోనే రియ‌ల్‌మి కూడా త‌న లేటెస్ట్ ఫ్లాగ్ షిప్ స్మార్ట్ ఫోన్‌ను ప‌లు అదిరిపోయే ఫీచ‌ర్ల‌తో లాంచ్ చేసింది.

realme GT8 Pro | ప్ర‌స్తుతం చాలా వ‌ర‌కు స్మార్ట్ ఫోన్ త‌యారీ కంపెనీలు త‌మ ఫ్లాగ్ షిప్ స్మార్ట్ ఫోన్ల‌లో అద్భుత‌మైన ఫీచ‌ర్ల‌ను అందించేందుకు పోటీ ప‌డుతున్నాయి. ఈ క్ర‌మంలోనే రియ‌ల్‌మి కూడా త‌న లేటెస్ట్ ఫ్లాగ్ షిప్ స్మార్ట్ ఫోన్‌ను ప‌లు అదిరిపోయే ఫీచ‌ర్ల‌తో లాంచ్ చేసింది. రియ‌ల్‌మి జిటి8 ప్రొ పేరిట ఈ ఫోన్‌ను భార‌త మార్కెట్‌లో విడుద‌ల చేశారు. ఇందులో 6.79 ఇంచుల హైప‌ర్ గ్లో డిస్‌ప్లేను అమర్చారు. ఇది 2కె రిజ‌ల్యూష‌న్‌ను, 144 హెడ్జ్ రిఫ్రెష్ రేట్‌ను క‌లిగి ఉంది. క‌నుక డిస్‌ప్లే చాలా క్వాలిటీగా ఉంటుంది. అద్భుత‌మైన దృశ్యాల‌ను వీక్షించ‌వ‌చ్చు. ఈ డిస్‌ప్లేకు గాను సూర్య‌కాంతిలోనూ స్ప‌ష్టంగా క‌నిపించేలా ఏకంగా 7000 నిట్స్ వ‌ర‌కు పీక్ బ్రైట్‌నెస్ ఫీచ‌ర్‌ను అందిస్తున్నారు. ఇక ఈ ఫోన్‌లో స్నాప్ డ్రాగ‌న్ 8 ఎలైట్ జెన్ 5 ఆక్టాకోర్ ప్రాసెసర్‌ను ఏర్పాటు చేశారు. 16జీబీ వ‌ర‌కు ర్యామ్ ల‌భిస్తుంది. 512 జీబీ స్టోరేజ్‌ను ఇచ్చారు.

ప్ర‌త్యేక కూలింగ్ సిస్ట‌మ్‌..

ఈ ఫోన్‌లో ప్ర‌త్యేకంగా వీసీ కూలింగ్ సిస్ట‌మ్‌ను ఇచ్చారు. అందువ‌ల్ల ఫోన్‌ను ఎంత తీవ్రంగా ఉప‌యోగించిన‌ప్ప‌టికీ అంత త్వ‌ర‌గా హీట్ కు గురి కాదు. ముఖ్యంగా గేమ‌ర్లు గంట‌ల త‌ర‌బ‌డి ఎలాంటి శ్ర‌మ లేకుండా గేమ్స్‌ను ఆడుకోవ‌చ్చు. గేమింగ్ కోసం ప్ర‌త్యేకంగా ఇందులో గేమింగ్ సూప‌ర్ ఫ్రేమ్ టెక్నాల‌జీని ఇచ్చారు. అందువ‌ల్ల అద్భుత‌మైన డిస్‌ప్లే క్వాలిటీ, గ్రాఫిక్స్‌తో గేమ్స్‌ను ఆడుకోవ‌చ్చు. ఈ ఫోన్‌లో ఆండ్రాయిడ్ 16 ఆప‌రేటింగ్ సిస్ట‌మ్ ఆధారిత రియ‌ల్‌మి యూఐ 7.0ను ఇచ్చారు. ఈ ఫోన్‌కు 4 ఏళ్ల వ‌ర‌కు ఆప‌రేటింగ్ సిస్ట‌మ్ అప్‌డేట్స్‌, 5 ఏళ్ల వ‌ర‌కు సెక్యూరిటీ అప్‌డేట్స్‌ను అందిస్తామ‌ని కంపెనీ చెబుతోంది. ఈ ఫోన్‌లో సిమ్మ‌ట్రిక్ మాస్ట‌ర్ అకౌస్టిక్ స్పీక‌ర్‌ను ఇచ్చారు. దీని వ‌ల్ల సౌండ్ క్వాలిటీగా ఉంటుంది. అలాగే స్విచ‌బుల్ కెమెరా బంప్ ఫీచ‌ర్‌ను సైతం అందిస్తున్నారు. దీని వ‌ల్ల యూజ‌ర్లు కెమెరా మాడ్యూల్స్‌ను త‌మకు న‌చ్చిన‌ట్లుగా అమ‌ర్చుకోవ‌చ్చు.

భారీ కెమెరా, బ్యాట‌రీ..

ఈ ఫోన్‌కు గాను వెనుక వైపు 200 మెగాపిక్స‌ల్ భారీ కెపాసిటీ క‌లిగిన టెలిఫోటో కెమెరాను ఇచ్చారు. దీని స‌హాయంతో ఏకంగా 12ఎక్స్ వ‌ర‌కు జూమ్‌ను పొంద‌వ‌చ్చు. వెనుక వైపు 50 మెగాపిక్స‌ల్ మెయిన్ కెమెరాకు తోడుగా మ‌రో 50 మెగాపిక్స‌ల్ అల్ట్రా వైడ్ కెమెరా కూడా ఉంది. ఈ కెమెరాల స‌హాయంతో అద్భుత‌మైన 4కె వీడియోల‌ను చిత్రీక‌రించుకోవ‌చ్చు. ఇవి డాల్బీ విజ‌న్ రికార్డింగ్‌కు సైతం స‌పోర్ట్‌ను అందిస్తాయి. అందువ‌ల్ల వీడియోల క్వాలిటీ అద్భుతంగా ఉంటుంది. ఇక ఈ ఫోన్‌లో 7000 ఎంఏహెచ్ భారీ కెపాసిటీ ఉన్న బ్యాట‌రీని సైతం ఏర్పాటు చేశారు. దీనికి గాను120 వాట్ల ఫాస్ట్ చార్జింగ్‌కు స‌పోర్ట్‌ను అందిస్తున్నారు. అందువ‌ల్ల ఫోన్‌ను వేగంగా చార్జింగ్ చేసుకోవ‌చ్చు. 0 నుంచి 100 శాతం చార్జింగ్ అయ్యేందుకు కేవ‌లం 45 నిమిషాల స‌మ‌యం మాత్ర‌మే ప‌డుతుంది. అలాగే 50 వాట్ల వైర్‌లెస్ ఫాస్ట్ చార్జింగ్‌కు సైతం ఇది స‌పోర్ట్‌ను అందిస్తుంది. దీని స‌హాయంతో కేవ‌లం 15 నిమిషాల్లోనే 0 నుంచి 50 శాతం వ‌ర‌కు చార్జింగ్ పూర్త‌వుతుంద‌ని కంపెనీ చెబుతోంది.

ధ‌ర వివ‌రాలు..

రియ‌ల్‌మి జిటి8 ప్రొ స్మార్ట్ ఫోన్‌లో 12జీబీ, 16జీబీ ర్యామ్‌, 256జీబీ, 512జీబీ స్టోరేజ్ ఆప్ష‌న్‌ల‌ను అందిస్తున్నారు. డ్యుయ‌ల్ సిమ్‌ల‌ను వేసుకోవ‌చ్చు. ముందు భాగంలో 32 మెగాపిక్స‌ల్ కెమెరా ఉంది. ఇన్ డిస్‌ప్లే అల్ట్రా సోనిక్ ఫింగ‌ర్ ప్రింట్ సెన్సార్‌తోపాటు ఇన్ ఫ్రా రెడ్ సెన్సార్‌ను సైతం ఇచ్చారు. ఐపీ 66, 68, 69 డ‌స్ట్ అండ్ వాట‌ర్ రెసిస్టెంట్ ఫీచ‌ర్ ల‌భిస్తుంది. 5జి సేవ‌ల‌ను పొంద‌వ‌చ్చు. డ్యుయ‌ల్ 4జి వీవోఎల్‌టీఈ కూడా ఉంది. వైఫై 7, బ్లూటూత్ 6.0, ఎన్ఎఫ్‌సీ, యూఎస్బీ టైప్ సి వంటి అద‌న‌పు స‌దుపాయాల‌ను సైతం ఇందులో అందిస్తున్నారు. ఇక ఈ ఫోన్‌కు చెందిన 12జీబీ ర్యామ్‌, 256 జీబీ స్టోరేజ్ మోడ‌ల్ ధ‌ర రూ.72,999 ఉండ‌గా, 16జీబీ ర్యామ్‌, 512జీబీ స్టోరేజ్ మోడ‌ల్ ధ‌ర‌ను రూ.78,999గా నిర్ణ‌యించారు. ఇక ఈ ఫోన్‌పై ప‌లు లాంచింగ్ ఆఫ‌ర్ల‌ను సైతం అందిస్తున్నారు. ఈ ఫోన్‌పై అన్ని బ్యాంకుల‌కు చెందిన కార్డుల‌తో ఏకంగా రూ.5వేల వ‌ర‌కు డిస్కౌంట్‌ను ఇస్తున్నారు. అలాగే 6 నెల‌ల వ‌ర‌కు నో కాస్ట్ ఈఎంఐ స‌దుపాయం కూడా ఉంది. న‌వంబ‌ర్ 25వ తేదీ నుంచి ఈ ఫోన్‌ను అన్ని ప్ర‌ధాన ఆన్‌లైన్ స్టోర్లు, రిటెయిల్ స్టోర్స్‌లో విక్ర‌యించ‌నున్నారు.