Poco X5 Pro 5G | ప్రముఖ స్మార్ట్ ఫోన్ల తయారీ సంస్థ పొకో.. దేశీయ మార్కెట్లోకి పొకో ఎక్స్ 5 ప్రో 5జీ ఫోన్ తీసుకొచ్చింది. అడ్రెనో 642ఎల్ జీపీయూతోపాటు ఒక్టాకోర్ క్వాల్కామ్ స్నాప్డ్రాగన్ 778జీ ఎస్వోసీ ప్రాసెసర్తో వస్తున్నది. ఎంఐయూఐ14 స్కిన్ ఆప్ టాప్తోపాటు ఆండ్రాయిడ్ 12 వర్షన్తో పని చేస్తుందీ ఫోన్. ఇందులో డ్యుయల్ (నానో) సిమ్ సామర్థ్యం ఉంటుంది. 6.67 అంగుళాల ఫుల్ హెచ్డీ+ఎక్స్ఫినిటీ అమోల్డ్ డిస్ప్లే విత్ 120హెర్ట్జ్ అడాప్టివ్ రీఫ్రెష్ రేట్తో వస్తున్నది. 900 నిట్స్ ఆఫ్ పీక్ బ్రైట్నెస్ కలిగి ఉంటుంది. 108-మెగా పిక్సెల్ ట్రిపుల్ రేర్ కెమెరా సెటప్ ఫెసిలిటీ ఉంది. ఈ కెమెరాల్లో 30ఎఫ్పీఎస్ వద్ద 4కే వీడియోల రికార్డింగ్ కెపాసిటీ ఉంటుంది. ఇప్పటికే గ్లోబల్ మార్కెట్లో పొకో ఎక్స్5 5జీ ఫోన్ను ఆవిష్కరించింది.
పొకో ఎక్స్5 ప్రో ఫోన్ రెండు మోడల్స్లో వస్తున్నది. బేస్ వేరియంట్ ఫోన్ 6జీబీ రామ్ విత్ 128 జీబీ ఇంటర్నల్ స్టోరేజీ, 8జీబీ రామ్ విత్ 256 జీబీ ఇంటర్నల్ స్టోరేజీ కెపాసిటీతో వస్తున్నది. 6జీబీ రామ్ కెపాసిటీ ఫోన్ రూ.22,999, 8జీబీ రామ్ సామర్థ్యం గల ఫోన్ రూ.24,999లకు లభ్యం అవుతాయి.