Elon Musk-Twitter | ట్విట్ట‌ర్‌కు మ‌స్క్ నాట్ సూట‌బుల్.. టెస్లాపై ఫోక‌స్ చేస్తే మేలు!

Elon Musk-Twitter | ఎల‌న్‌మ‌స్క్‌పై ట్విట్ట‌ర్‌-టెస్లా ఇన్వెస్ట‌ర్ గెర్బ‌ర్ క‌వాసాకీ వెల్త్ మేనేజ్మెంట్ మండిప‌డింది. ట్విట్ట‌ర్‌కు మ‌స్క్ స‌రిపోర‌న్న‌ది.

Elon Musk-Twitter | ఎల‌న్‌మ‌స్క్ వ్య‌వ‌హార‌శైలిపై ట్విట్ట‌ర్‌-టెస్లాల్లో ఇన్వెస్ట‌ర్ గెర్బ‌ర్ క‌వాసాకీ వెల్త్ మేనేజ్‌మెంట్ హెడ్ రాస్ గెర్బ‌ర్ సంచ‌ల‌న వ్యాఖ్య‌లు చేశారు. ట్విట్ట‌ర్ నిర్వ‌హ‌ణ‌కు ఎల‌న్‌మ‌స్క్ సరిపోడ‌ని అన్నారు. దానికి బ‌దులు టెస్లాపై దృష్టి పెడితే మంచిద‌ని హిత‌వు చెప్పారు. టేకోవ‌ర్ చేసిన ట్విట్ట‌ర్ మ‌ర‌మ్మ‌త్తు ప‌నులు చేయ‌డానికి బ‌దులు టెస్లా ఇంక్ బ్రాండ్‌పై దృష్టి పెట్టాల‌ని సూచించారు. కానీ, గెర్బ‌ర్ వ్యాఖ్య‌ల‌పై ఎల‌న్‌మ‌స్క్ వెట‌కారపు వ్యాఖ్య‌లు చేశారు.

వాణిజ్య ప్ర‌క‌ట‌న‌క‌ర్త‌లు, మీడియా ప్ర‌తినిధుల‌తో సంప్ర‌దింపులు జ‌రిపేందుకు సంస్థ సీఈవోగా మీడియా సేవీ ప‌ర్స‌న్ కావాల‌ని గెర్బ‌ర్ సూచించారు. గ‌త సెప్టెంబ‌ర్ 30న‌ టెస్లాలో గెర్బ‌ర్ సార‌ధ్యంలోని వెల్త్ మేనేజ్‌మెంట్ కంపెనీకి 3,90,100 షేర్లు ఉన్నాయి. ఇవి సంస్థ‌లో 0.01 శాతం వాటా. టెస్లాలో దీర్ఘ‌కాలిక ఇన్వెస్ట‌ర్‌గా ఉన్నారు.

ఈ ఏడాది తొలి నుంచి టెస్లా మార్కెట్ విలువ 60 శాతానికి పైగా ప‌త‌న‌మైంది. ట్విట్ట‌ర్‌ను టేకోవ‌ర్ చేయ‌డంతో టెస్లాలో ఎల‌న్‌మ‌స్క్ త‌న షేర్ల‌లో గ‌ణ‌నీయ భాగం విక్ర‌యించారు. స్టాక్స్ ప‌త‌నం కావ‌డంతో బోర్డు `టైం ఫ‌ర్ ఏ షేక్అప్‌` అయ్యే ప‌రిస్థితి వ‌చ్చింద‌ని గెర్బ‌ర్ ఇటీవ‌ల ట్వీట్ చేశారు. తాజాగా గెర్బ‌ర్ ట్వీట్ల‌తో ఎల‌న్‌మ‌స్క్ ఘాటుగా రియాక్ట‌య్యారు. `వెన‌క్కి వెళ్లి మీరు రాసిన పాత సెక్యూరిటీస్ అనాల‌సిస్ 101 టెక్ట్స్‌బుక్‌` చ‌దువుకోండంటూ రిప్ల‌య్ ఇచ్చారు.