Planets Align | ఆకాశంలో అద్భుత దృశ్యం..! ఒకే వరుసలోకి ఐదుగ్రహాలు..!

Planets Align | వినీలాకాశంలో నేటి రాత్రి అద్భుత దృశ్యం ఆవిష్కృతం కానున్నది. ఐదు గ్రహాలు ఒకే రోజు దర్శనం ఇవ్వనున్నాయి. గురుడు, బుధుడు, శుక్రుడు, యురేనస్, అంగారకుడు ఒకే కక్షలోకి దగ్గరగా రానున్నాయి. ఆ గ్రహాలతో పాటు చంద్రుడు సైతం కలిసి కనువిందు చేయనున్నాయి.

Planets Align | వినీలాకాశంలో నేటి రాత్రి అద్భుత దృశ్యం ఆవిష్కృతం కానున్నది. ఐదు గ్రహాలు ఒకే రోజు దర్శనం ఇవ్వనున్నాయి. గురుడు, బుధుడు, శుక్రుడు, యురేనస్, అంగారకుడు ఒకే కక్షలోకి దగ్గరగా రానున్నాయి. ఆ గ్రహాలతో పాటు చంద్రుడు సైతం కలిసి కనువిందు చేయనున్నాయి. సూర్యాస్తమయం తర్వాత పశ్చిమం వైపు చూస్తే.. 50 డిగ్రీల పరిధిలో ఈ ఐదు గ్రహాలు కనువిందు చేయనున్నారు.

ఇందులో గురుడు, శుక్రుడు, అంగారకుడిని మన కళ్లతోనే చూసే అవకాశం ఉండగా.. బుధగ్రహం, యురేనస్ గ్రహాలను మాత్రం బైనాక్యులర్ ద్వారానే చూసేందుకు అవకాశం ఉందని నాసాకు శాస్త్రవేత్త బిల్‌కూక్‌ తెలిపారు. వీలైతే పవర్ ఫుల్ బైనాక్యులర్ వెంట ఉంచుకోవాలని సూచించారు. సమాంతర రేఖలో అన్నింటికంటే దిగువన బుధగ్రహం కనిపిస్తుంది. దానిపై బుధుడు, శుక్రుడు, యురేనస్, చంద్రుడు, మార్స్, జుపిటర్‌ గ్రహాలు సమాంతరంగా కనిపించనున్నాయి. సాధారణంగా మిగతా గ్రహాలన్నీ అప్పుడప్పుడు ఇలా కనిపించినా.. యురేనస్ కనిపించడం అరుదైన విషయమైని ఖగోళ శాస్త్రవేత్తలు తెలిపారు. అరుదుగా సంభవించే ఖగోళ వింతలను తప్పకుండా వీక్షించాలని సూచించారు.