Strongest Glass : ఈ గాజు మహా బలమైనది.. ఫోన్ స్క్రీన్లుగా వస్తే పగిలే సమస్య ఉండదంట!

Strongest Glass : కెనడియన్ శాస్త్రవేత్తలు పగిలేందుకు వీలు లేని గాజును రూపొందించారు. ఇలాంటి గాజుతో మొబైల్ స్క్రీన్...

October 3, 2021 / 06:33 PM IST

Strongest Glass : ఈ గాజు మహా బలమైనది.. ఫోన్ స్క్రీన్లుగా వస్తే పగిలే సమస్య ఉండదంట!

(Strongest Glass) చేతిలో నుంచి మొబైల్‌ ఫోన్‌ జారి పడి ముక్కలవడం మనం చూస్తుంటాం. వేలు పోసి కొన్న మొబైల్‌ ఫోన్‌ అద్దం అలా పగలకుండా ఉంటే ఎంత బాగుండు! అని అనుకోని వారు ఉండరు. అచ్చం ఇలాంటి వారి కోరికను తీర్చడం కోసమే అన్నట్లు గా కెనడియన్ శాస్త్రవేత్తలు పగిలేందుకు వీలు లేని గాజును రూపొందించారు. ఇలాంటి గాజుతో మొబైల్ స్క్రీన్ తయారుచేస్తే ఇక ఎన్నిసార్లు కిందపడినా ఏ బాధా ఉండదు. ఈ గాజుకు సంబంధించిన విషయాలు సైన్స్‌ జర్నల్‌లో ప్రచురితమైంది.

ఈ గాజును ప్రత్యేక రకం యాక్రిలిక్ మెటీరియల్‌తో తయారు చేశారు. ఇది కఠినంగా మారేలా చేసేటప్పుడు మరింత బలాన్ని పొందుతుంది. ఈ గ్లాస్‌ను కెనడాలోని మెక్‌గిల్ యూనివర్సిటీ పరిశోధకులు తయారు చేశారు. యాక్రిలిక్ మెటీరియల్‌తో తయారు చేసిన గ్లాస్ కొంతవరకు ప్లాస్టిక్‌ని పోలి ఉంటుంది. దీనిని పెద్ద ఎత్తున ఉత్పత్తి చేయగలిగితే మొబైల్ స్క్రీన్‌లు పగిలిపోయే ప్రమాదాన్ని నివారించవచ్చునని వారు అభిప్రాయపడుతున్నారు. ఈ గాజుతో తయారైన ఫోన్ స్క్రీన్‌ ఎత్తు నుంచి పడిపోయినా దెబ్బతినే ప్రమాదం ఉండదని వారు అభయమిస్తున్నారు.

ఈ యాక్రిలిక్ గాజు తయారు చేయడానికి నల్ల గుల్ల ప్రేరణగా నిలిచిందని మెక్‌గిల్ విశ్వవిద్యాలయ పరిశోధకులు చెప్తున్నారు. నత్త గుల్ల షెల్ చాలా బలంగా ఉండి, లోపలి భాగం చిన్న మైక్రోస్కోపిక్ స్ట్రిప్స్‌తో తయారై ఉంటుంది. నత్త గుల్లను పగలగొట్టడం చాలా కష్టమైన పని. అందుకే దీని ప్రేరణగా పరిశోధనలు జరిపి యాక్రిలిక్‌ గాజును సిద్ధం చేసినట్లుగా తెలుస్తున్నది.
దీనికి సంబంధించి పరిశోధనలు ఇంకా జరుగుతున్నాయని, మరింత దృఢమైన గాజును తయారుచేయడమే లక్ష్యంగా పనిచేస్తున్నట్లు మెక్‌గిల్‌ వర్శిటీ పరిశోధకులు చెప్తున్నారు.