Indira Gandhi : జీపుల కొనుగోలు కేసులో ఇందిరా గాంధీ అరెస్ట్‌

Indira Gandhi : భారతదేశం మాజీ ప్రధాని ఇందిరాగాంధీ 1977 లో సరిగ్గా ఇదే రోజున అరెస్టయ్యారు. ఎన్నికల ప్రచారం చేసేందుకు...

October 3, 2021 / 12:50 PM IST

Indira Gandhi : జీపుల కొనుగోలు కేసులో ఇందిరా గాంధీ అరెస్ట్‌

(Indira Gandhi) భారతదేశం మాజీ ప్రధాని ఇందిరాగాంధీ 1977 లో సరిగ్గా ఇదే రోజున అరెస్టయ్యారు. ఎన్నికల ప్రచారం చేసేందుకు జీపుల కొనుగోలులో అవినీతి ఆరోపణలను ఇందిరా గాంధీ ఎదుర్కొన్నారు. 1977 లోక్‌సభ ఎన్నికల సమయంలో రాయ్‌బరేలీలో ఇందిరా గాంధీ కోసం 100 జీపులు కొనుగోలు చేసినట్లు అప్పట్లో ఆరోపణలు ఉన్నాయి. 100 జీపులను కొనుగోలు చేసేందుకు నయా పైసా కూడా కాంగ్రెస్ చెల్లించలేదు. అయితే, బడా పారిశ్రామికవేత్తలు వీటి మొత్తాన్ని చెల్లించినట్లు, ప్రభుత్వ డబ్బు కూడా ఉపయోగించినట్లు ఆరోపణలు గుప్పుమన్నాయి. ఆ సమయంలో మొరార్జీ దేశాయ్ నాయకత్వంలో జనతా పార్టీ ప్రభుత్వం అధికారంలో ఉన్నది.

ఎమర్జెన్సీ సమయంలో ప్రత్యర్థులను ఇందిరాగాంధీ వేధించిన తీరుపై చాలా మంది నాయకులు ఆగ్రహంతో ఉన్నారు. తమను జైలుకు పంపినట్లుగానే ఇందిరను పట్ల కూడా వ్యవహరించాలని చాలా మంది కోరుకున్నారు. హోంమంత్రిగా ఉన్న చౌదరి చరణ్ సింగ్ పట్టుదలగా ఉండగా.. ప్రధాని మొరార్జీ దేశాయ్ దీనికి ఇష్టపడలేదు. ఆ తర్వాత, అక్టోబర్ 3 న సీబీఐ ఇందిరాగాంధీపై ఎఫ్ఐఆర్ నమోదు చేసి ఆమెను అరెస్టు చేసింది. అనంతరం ఆమెను బద్కల్ లేక్ గెస్ట్ హౌస్‌లో నిర్బంధించారు. అక్కడి నుంచి పోలీసు లైన్స్ ఆఫ్ కింగ్స్‌వే క్యాంప్‌లో ఆఫీసర్స్ మెస్‌లో ఉంచారు. అక్టోబర్ 4 ఉదయం మేజిస్ట్రేట్ కోర్టులో హాజరుపర్చినప్పుడు, ఇందిరపై ఎలాంటి ఆధారాలు లేవన్న విషయం తెరపైకి వచ్చింది. ఆ తర్వాత సాంకేతిక కారణాలతో ఆమెను నిర్దోషిగా విడుదల చేశారు.

జనతా పార్టీ చేసిన ఈ రాజకీయ తప్పిదాన్ని ‘ఆపరేషన్ బ్లండర్’గా అభివర్ణిస్తుంటారు. అరెస్టుతో ఇందిరా గాంధీ ఏమాత్రం బాధపడలేదు. జనతా ప్రభుత్వం తీసుకున్న ఈ చర్య కారణంగా ఎమర్జెన్సీ విషయంలో ఇందిరపై ప్రజల్లో ఉన్న కోపం కాస్తా సానుభూతిగా మారింది. దాని ప్రభావం 1980 ఎన్నికల్లో కనిపించి ఇందిరా గాంధీ తిరిగి అధికారంలోకి వచ్చింది.