రూ.31 వేల‌కే ఐఫోన్ 11.. అమెజాన్, ఫ్లిప్‌కార్ట్‌లో బంప‌ర్ ఆఫ‌ర్

దీంతో ఐఫోన్ 12, ఐఫోన్ 11 సిరీస్ ఫోన్ల‌ను డిమాండ్ త‌గ్గింది. దీంతో యాపిల్ సంస్థ వాటి ధ‌ర‌ల‌ను భారీగా ఇదివ‌ర‌కే త‌గ్గించింది.

యాపిల్ సంస్థ గ‌త సంవ‌త్స‌రం ఐఫోన్ 13ను లాంచ్ చేసిన విష‌యం తెలిసిందే. ఐఫోన్ 13 లో ఉండే లేటెస్ట్ ఫీచ‌ర్ల వ‌ల్ల వాటి సేల్స్ ఒక్క‌సారిగా పెరిగాయి. దీంతో ఐఫోన్ 12, ఐఫోన్ 11 సిరీస్ ఫోన్ల‌ను డిమాండ్ త‌గ్గింది. దీంతో యాపిల్ సంస్థ వాటి ధ‌ర‌ల‌ను భారీగా ఇదివ‌ర‌కే త‌గ్గించింది. ఐఫోన్ 12, ఐఫోన్ 11ను ఫెస్టివ‌ల్ సీజ‌న్ టైమ్‌లో స‌గం ధ‌ర‌కు కూడా అందించింది.

తాజాగా ఐఫోన్ 11పై మ‌రోసారి అమెజాన్, ఫ్లిప్‌కార్ట్‌లో భారీ డిస్కౌంట్‌ను ప్ర‌క‌టించారు. 2019లో రిలీజ్ అయిన ఐఫోన్ 11.. 6.1 ఇంచ్ రెటినా డిస్‌ప్లేతో విడుద‌లైంది. యాపిల్ ఏ13 బ‌యోనిక్ చిప్‌, 128 జీబీ ఇంట‌ర్న‌ల్ స్టోరేజ్‌లాంటి ఫీచ‌ర్ల‌తో వ‌చ్చిన ఈ ఫోన్ ధ‌ర 2019లో రూ.64,900 గా ఉండేది. కానీ.. ఇప్పుడు ఎంఆర్పీ ధ‌ర రూ.49,900గా ఉంది. కానీ.. ఫ్లిప్‌కార్ట్‌, అమెజాన్ లాంటి ఈ కామ‌ర్స్ సంస్థ‌ల‌లో ఆ ఫోన్‌ను కేవ‌లం రూ.31 వేలకే పొందొచ్చు.

అమెజాన్‌లో ఐఫోన్ 11పై రూ.15 వేల వ‌ర‌కు క్యాష్‌బ్యాక్ పొందొచ్చు. ఐసీఐసీఐ బ్యాంక్ క్రెడిట్, డెబిట్ కార్డులు, కొట‌క్ బ్యాంక్ క్రెడిట్ కార్డ్స్‌, ఎస్‌బీఐ క్రెడిట్ కార్డ్స్‌ల‌పై అద‌నంగా రూ.4000 డిస్కౌంట్ కూడా వ‌స్తుంది. సో.. అన్ని క్యాష్‌బ్యాక్, ఇత‌ర ఆఫ‌ర్లు పోను.. కేవ‌లం రూ.30,900 కే అమెజాన్‌లో ఐఫోన్ 11ను కొనుగోలు చేయొచ్చు.

అలాగే ఎక్స్‌ఛేంజ్ ఆఫ‌ర్ ద్వారా క‌నీసం రూ.18,850 వ‌ర‌కు డిస్కౌంట్ పొందే అవ‌కాశం ఉంది. ఫ్లిప్‌కార్ట్‌లో అన్ని క్యాష్‌బ్యాక్‌, ఎక్స్‌ఛేంజ్ ఆఫ‌ర్‌తో క‌లిపి రూ.31,050 కు పొందొచ్చు.