నేడే ఈ- ఫార్ములా తుది రేసింగ్‌

ఫార్ములా ఈ- రేస్‌ ఉత్కంఠగా సాగుతున్నది. శుక్రవారం సాయంత్రం జరిగిన ప్రాక్టీస్‌ మ్యాచ్‌ ఆద్యంతం ఉర్రూతలూగించింది. ఎలక్ట్రిక్‌ కార్లు ఒకదానికి మించి మరొకటి పోటీ పడ్డాయి.

• క్షణం క్షణం ఉత్కంఠగా సాగనున్న పోటీలు
• 11 టీంలు, 22 మంది డ్రైవర్లు..
• అందరి దృష్టి చాంపియన్‌ ఎవరన్న దానిపైనే
• కనువిందుగా ముగిసిన ప్రాక్టీస్‌-1 రేస్‌ క్రికెటర్ల సందడి

ఫార్ములా ఈ- రేస్‌ ఉత్కంఠగా సాగుతున్నది. శుక్రవారం సాయంత్రం జరిగిన ప్రాక్టీస్‌ మ్యాచ్‌ ఆద్యంతం ఉర్రూతలూగించింది. ఎలక్ట్రిక్‌ కార్లు ఒకదానికి మించి మరొకటి పోటీ పడ్డాయి. ఎక్కడా ఎలాంటి లోటుపాట్లు లేకుండా నిర్వాహకులు జాగ్రత్తలు తీసుకోవడంతో ప్రాక్టీస్‌ మ్యాచ్‌ సాఫీగా ముగిసింది.

శనివారం తుది సమరం ప్రారంభం కానున్నది. గంటకు 322 కిలోమీటర్ల వేగంతో రేసర్లు దూసుకుపోనున్నారు. ఫైనల్‌ పోటీలకు భారీ సంఖ్యలో సందర్శకులు రానుండటంతో పోలీసులు కట్టుదిట్టమైన భద్రతా ఏర్పాట్లు చేశారు.