Chanda Nagar | పాపిరెడ్డికాలనీలో కార్డన్ సెర్చ్.. 51 బైక్‌లు, విదేశీ సిగరెట్లు స్వాధీనం..!

​కొండాపూర్, నవంబర్ 22 : చందా నగర్ పోలీస్ స్టేషన్ పరిధిలోని పాపిరెడ్డి కాలనీ (Papireddy Colony)లో శనివారం పోలీసులు కార్డెన్​ సెర్చ్ (Cordon Search) చేపట్టారు. అనంతరం కాలనీవాసులతో కమ్యునిటీ కనెక్ట్ నిర్వహించారు.

​కొండాపూర్, నవంబర్ 22 : చందా నగర్ పోలీస్ స్టేషన్ పరిధిలోని పాపిరెడ్డి కాలనీ (Papireddy Colony)లో శనివారం పోలీసులు కార్డన్​ సెర్చ్ (Cordon Search) చేపట్టారు. అనంతరం కాలనీవాసులతో కమ్యునిటీ కనెక్ట్ నిర్వహించారు. మాదాపూర్​ జోన్​ డీసీపీ రితిరాజ్(DCP Riti Raj)​ ఆధ్వర్యంలో నిర్వహించిన కార్డన్ సెర్చ్ లో ఎస్ఓటీ, ఉమెన్​ సేఫ్టీ, సీసీఎస్​ పోలీసులు సంయుక్తంగా పాల్గొన్నారు. శనివారం మధ్యాహ్నం 1 గంట నుంచి సాయంత్రం 6 గంటల వరకు 250 ఇండ్లలో తనిఖీలు చేపట్టారు.

ఇతర రాష్ర్టాల నుంచి హైదరాబాద్‌కు వచ్చి పాపిరెడ్డి కాలనీలో చాలామంది నివసిస్తున్నట్లు కార్డన్ సెర్చ్‌లో పోలీసులు గుర్తించారు. కాలనీలో నిర్వహిస్తున్న బెల్ట్​ షాపుల్లో 635 మద్యం బాటిళ్లు, వివిధ షాపుల్లో నిషేదించిన 122 విదేశీ సిగరేట్లను స్వాధీనం చేసుకున్నారు. కాలనీలో 9 మంది అనుమానిత వ్యక్తులతో పాటు నలుగురు రౌడీ షీటర్లను గుర్తించారు.

ఈ సందర్భంగా  సరైన ధ్రువపత్రాలు, నెంబర్​ ప్లేట్లులేని 51 బైకులు, రెండు ఆటోలను పోలీసులు తమ ఆధీనంలోకి తీసుకున్నారు. ఈ కార్యక్రమంలో మాదాపూర్​ ఏడీసీపీ ఉదయ్​రెడ్డి, మియాపూర్​ ఏసీపీ శ్రీనివాస్​, ఇన్​స్పెక్టర్‌లు, ఎస్ఐలు, సిబ్బంది పాల్గొన్నారు.