సిటీబ్యూరో, మార్చి 10 (నమస్తే తెలంగాణ) : రంజాన్ మాసం రాగానే ముస్లింల ఉపవాస దీక్షలతో పాటు వెంటనే గుర్తొచ్చేది హలీం. దీంతో నగరంలో హలీం సందడి షురూ అయ్యింది. ప్రతి గల్లీలోనూ హలీం సెంటర్లు వెలుస్తున్నాయి. ముస్లింలకు ఇఫ్తార్ విందులో ప్రముఖ వంటకమైన ఈ హలీం.. మతాలకతీతంగా ప్రతి ఒక్కరికీ ఇష్టమైన స్నాక్గా మారింది. ఈ వంటకాన్నీ అరేబియన్స్ పరిచయం చేశారు. దీనిని హరీస్ అని కూడా పిలుస్తారు.
పదో శతాబ్దంలో కితాబ్ అల్ తబిక్ (వంటల పుస్తకం)లో తొలిసారిగా ఈ విషయాని రాశారు. హైదరాబాద్ నిజాం ఆర్మా దగ్గర ఉండే అరేబియన్ సైన్యం హలీంను మన దేశంలోకి తీసుకొచ్చింది. హలీంను చికెన్, మటన్తో తయారు చేస్తారు. సుమారు 6 నుంచి 8 గంటల వరకు హలీం తయారీకి సమయం పడుతుంది. ప్రతి వంద గ్రాముల హలీంలో 157 క్యాలరీలు, 9.7 గ్రాముల ప్రొటీన్, 6.86గ్రాముల కొవ్వు పదార్థం, 15.2 గ్రాముల పిండిపదార్థాలుంటాయని తెలిపారు. హలీం రుచి కోసం ఇతర రాష్ర్టాల వారు సైతం హైదరాబాద్కు తరలొస్తుండటం విశేషం.