నిరంతర విద్యుత్తు హామీ ఏమైంది?
రైతులకు 24 గంటల ఉచిత విద్యుత్తు సరఫరా బీఆర్ఎస్ సర్కార్ అమలు చేసిన ప్రధాన పథకాల్లో ఒకటి. వ్యవసాయానికి నిరంతర విద్యుత్తు అందించడం వల్ల బోరుబావుల కింద సాగు చేసే రైతులకు ఎంతో భరోసా లభించింది. 2024 జనవరిలో విద్యుత్తు రంగంపై సమీక్ష సందర్భంగా రైతులకు 24 గంటల ఉచిత విద్యుత్తు అందించే హామీని నెరవేర్చేందుకు తమ ప్రభుత్వం కట్టుబడి ఉన్నదని ముఖ్యమంత్రి రేవంత్రెడ్డి స్పష్టం చేశారు.
తెలంగాణలో వ్యవసాయ విద్యుత్తు సరఫరా మరోసారి చర్చనీయాంశంగా మారింది. పలు జిల్లాల్లో రైతులు సబ్స్టేషన్ల ఎదుట నిరసనలకు దిగుతుండటం, కోతలు లేకుండా నాణ్యమైన విద్యుత్తు అందించాలని డిమాండ్ చేయడం సమస్య తీవ్రతను తెలియజేస్తున్నది. గతంలో 24 గంటల ఉచిత విద్యుత్తు సరఫరాను అమలుచేసిన ఘనత తెలంగాణ తొలి ముఖ్యమంత్రి కేసీఆర్ సారథ్యంలోని బీఆర్ఎస్ ప్రభుత్వానిది. ఆ హామీని కొనసాగిస్తామని గద్దెనెక్కిన కాంగ్రెస్ ప్రభుత్వం కూడా ప్రకటించింది. కానీ, క్షేత్రస్థాయిలో రైతులు ఎదుర్కొంటున్న ఇబ్బందులు ఈ హామీ అమలుపై ప్రశ్నలు రేకెత్తిస్తున్నాయి. ప్రభుత్వం చెప్తున్న సరఫరా లెక్కలకు, రైతులు చెప్తున్న అనుభవాలకు మధ్య అంతరం ఎందుకు కనిపిస్తున్నది? అసలు సమస్య ఎక్కడున్నది? దానిని పరిష్కరించాల్సిన బాధ్యత ఎవరిది?
రైతులకు 24 గంటల ఉచిత విద్యుత్తు సరఫరా బీఆర్ఎస్ సర్కార్ అమలు చేసిన ప్రధాన పథకాల్లో ఒకటి. వ్యవసాయానికి నిరంతర విద్యుత్తు అందించడం వల్ల బోరుబావుల కింద సాగు చేసే రైతులకు ఎంతో భరోసా లభించింది. 2024 జనవరిలో విద్యుత్తు రంగంపై సమీక్ష సందర్భంగా రైతులకు 24 గంటల ఉచిత విద్యుత్తు అందించే హామీని నెరవేర్చేందుకు తమ ప్రభుత్వం కట్టుబడి ఉన్నదని ముఖ్యమంత్రి రేవంత్రెడ్డి స్పష్టం చేశారు.
ఈ ఏడాది పలు జిల్లాల్లో రైతులు విద్యుత్తు కోతలపై నిరసనలకు దిగారు. సెప్టెంబర్లో ఖమ్మం జిల్లా కందుకూరు ప్రాంతంలో రైతులు నిరంతర సరఫరా అందడం లేదని ఆందోళన వ్యక్తం చేశారు. అక్టోబర్లో మెదక్ జిల్లా రామాయంపేట ప్రాంతంలోనూ విద్యుత్తు కోతలపై రైతులు నిరసన తెలిపారు. ఇవి రాష్ట్రవ్యాప్తంగా సరఫరా పరిస్థితిని పూర్తిగా నిర్ధారించకపోయినా..క్షేత్రస్థాయిలో సమస్యలు ఉన్నాయన్న విషయాన్ని విస్మరించలేం. ప్రభుత్వం నిరంతర విద్యుత్తు అందిస్తున్నామని చెప్తుంటే, రైతులు మాత్రం తమకు సరిపడా కరెంటు రావడం లేదని ఎందుకు అంటున్నారు? కొన్ని ప్రాంతాల్లో మాత్రమే సమస్య ఉంటే దానికి కారణాలేమిటి? సరఫరా సమయం పూర్తిగా అందకపోవడానికి ఉత్పత్తి కొరత కారణమా? స్థానిక విద్యుత్తు లైన్లు, ట్రాన్స్ఫార్మర్ల సామర్థ్యం సరిపోవడం లేదా? లేదా నిర్వహణలో లోపాలున్నాయా? ఈ ప్రశ్నలకు ప్రభుత్వం స్పష్టమైన సమాధానాలు ఇవ్వాలి. రాష్ట్రంలో అనేక ప్రాంతాల్లో బోరుబావులపై ఆధారపడి వ్యవసాయం సాగుతున్నది. వర్షాలు సకాలంలో కురవని పరిస్థితుల్లో పంటలకు నీరు అందించేందుకు రైతులు విద్యుత్తు పంపుసెట్లపైనే ఆధారపడుతున్నారు. ఇలాంటి సమయంలో కరెంట్ కోతలు ఏర్పడితే పంటలకు అవసరమైన నీరు అందదు. విద్యుత్తు ఎప్పుడు వస్తుందో తెలియక రైతులు పొలాల వద్ద వేచి చూడాల్సి వస్తున్నది.
రాష్ట్రంలో విద్యుత్తు అవసరాలు పెరుగుతున్నాయి. ట్రాన్స్కో గణాంకాల ప్రకారం, 202425లో నమోదైన గరిష్ఠ విద్యుత్తు డిమాండ్ 17,162 మెగావాట్లు కాగా, 202526లో అది 18,548 మెగావాట్లకు చేరింది. పెరుగుతున్న డిమాండ్కు అనుగుణంగా ఉత్పత్తి, కొనుగోళ్లు, ప్రసారపంపిణీ వ్యవస్థలను బలోపేతం చేయాల్సిన అవసరం ఉన్నది. విద్యుత్తు ఉత్పత్తి కేంద్రాల్లో సాంకేతిక సమస్యలు తలెత్తవచ్చు. బొగ్గు సరఫరాలో అంతరాయాలు రావచ్చు. ఇతర రాష్ర్టాల నుంచి కొనుగోలు చేయాల్సిన అవసరం ఏర్పడవచ్చు.
రైతుకు కావాల్సింది ప్రకటనలు కాదు..పంటకు అవసరమైన సమయంలో నాణ్యమైన విద్యుత్తు. సరఫరా సక్రమంగా ఉంటే గణాంకాలతో నిరూపించాలి. లోపాలుంటే అంగీకరించి సరిదిద్దాలి. సమస్యకు కారణం ఏదైనా, దాని భారాన్ని రైతు భుజాలపై వేయకూడదు. 24 గంటల విద్యుత్తు హామీని నిలబెట్టుకోవడం అంటే కేవలం కరెంట్ సరఫరా చేయడం కాదు..రైతు పంటను, పెట్టుబడిని, జీవనోపాధిని కాపాడటం. హామీకి, ఆచరణకు మధ్య ఉన్న అంతరాన్ని తొలగించి, నాణ్యమైన విద్యుత్తును నిరంతరంగా అందించినప్పుడే ప్రభుత్వం రైతుల విశ్వాసాన్ని నిలబెట్టుకుంటుంది. కాంగ్రెస్ అలా చేస్తుందనే నమ్మకం ఏ ఒక్క రైతుకు లేకపోవడమే నేటి విషాదం.
(వ్యాసకర్త: రాష్ట్ర కార్పొరేషన్ మాజీ చైర్మన్)
డా.కేతిరెడ్డి వాసుదేవరెడ్డి
Read Today's Latest Opinions News in Telugu and Telugu News
RELATED ARTICLES
తాజా వార్తలు
IndiaNew vs Zealand | తొలి టెస్టులో సత్తా చాటిన భారత బౌలర్లు.. బుమ్రా ఖాతాలో మూడో వికెట్.. కివీస్ 95/5
Dia Mirza | ఆయనతో పనిచేయడం ఓ పీడకల..! దియా మీర్జా సంచలన వ్యాఖ్యలు
Sreeleela | అందుకే టాలీవుడ్కు దూరం..! క్లారిటీ ఇచ్చిన శ్రీలీల
Kamal Haasan| సేయాన్లో విరుమాండి గెటప్.. అతిథి పాత్రలో కనిపించనున్న కమల్హాసన్..!
Jain Diksha | కోట్లాది వ్యాపారాన్ని వదిలి సన్యాసం..! సూరత్లో ఓ కుటుంబం నిర్ణయం
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

