స్టెప్ బ్ర‌ద‌ర్ తో డేటింగ్ కు యువ‌తి రెడీ

న్యూఢిల్లీ : సోష‌ల్ మీడియా వేదిక‌లు, డేటింగ్ యాప్ ల‌తో యువ‌తీ యువ‌కుల్లో విప‌రీత పోక‌డ‌లు నెల‌కొంటున్నాయి. స‌వ‌తి సోద‌రుడితో డేటింగ్ కు సిద్ద‌మ‌ని, అత‌డిపై తాను ప్రేమ పెంచుకున్నాన‌ని ఓ మ‌హిళ డేటింగ్ షో సీక్రెట్ క్ర‌ష్ లో వెల్ల‌డించ‌డం స్టెప్ బ్ర‌ద‌ర్ క‌ల్లమ్ లో క‌ల్లోలం రేపింది. డేట్ కు వెళ్లేముందు ఇష్ట‌మైన వారి ప‌ట్ల భాగ‌స్వాములు త‌మ‌ ప్రేమ‌ను ఈ షో ముందు బ‌హిర్గ‌తం చేస్తుంటారు. ఇక‌ స్టెప్ బ్ర‌ద‌ర్ క‌ల్లమ్ తో క్ర‌ష్ పై మాడీ ప‌లు విష‌యాలు వెల్ల‌డించారు. త‌న త‌ల్లి గ‌తంలో క‌ల్ల‌మ్ తండ్రితో చాలా కాలం కలిసి ఉన్నార‌ని దీంతో బాల్యం నుంచే క‌ల్ల‌మ్ తో ప‌రిచయం ఉంద‌ని ఆపై త‌మ త‌ల్లి క‌ల్ల‌మ్ తండ్రితో విడిపోవ‌డంతో చాలా ఏండ్లుగా తాము దూర‌మ‌య్యాయ‌ని మాడీ చెప్పుకొచ్చింది.

చాలా రోజుల త‌ర్వాత క‌ల్లమ్ తో సోష‌ల్ మీడియా వేదిక‌గా తిరిగి ప‌రిచ‌యం కావ‌డంతో అత‌డి ప‌ట్ల తాను ప్రేమ పెంచుకున్నాన‌ని తెలిపింది. చిన్న‌ప్పుడు తాను చూసిన క‌ల్ల‌మ్ ఇప్పుడు పూర్తిగా మారిపోయి బాగా ప‌రిణితి చెందాడ‌ని అత‌డితో డేటింగ్ కు త‌హ‌త‌హ‌లాడుతున్నాన‌ని వెల్ల‌డించింది. మ‌రోవైపు మాడీ త‌న ప‌ట్ల ప్రేమ క‌న‌బ‌ర‌చ‌డంతో క‌ల్ల‌మ్ ఉద్వేగ‌భ‌రిత‌మ‌య్యాడు. త‌న‌ను బాగా చూసుకుంటే ఆమెతో ముందుకు న‌డిచేందుకు అభ్యంత‌రం లేద‌ని చెబుతున్నాడు. త‌మ త‌ల్లితండ్రులు విడిపోయిన ఇన్నేళ్ల త‌ర్వాత ఆమె మ‌న‌సులో తానుండ‌టం అనిర్వ‌చనీయ అనుభూతిని అందిస్తోంద‌ని మురిసిపోయాడు. త‌న తండ్రి మాడీ త‌ల్లిని పెండ్లి చేసుకోనందున త‌మ ప్రేమ‌కు ఈ వ‌ర‌స‌లు అడ్డు కావ‌ని చెబుతున్నాడు.