జీరో బెడ్‌రూం హౌస్ ధ‌ర ఏకంగా రూ 14.66 కోట్లు ప‌లికింది..ఎక్క‌డంటే!

న్యూయార్క్ : జీరో బెడ్‌రూమ్స్‌, అడ్డ‌దిడ్డంగా నిర్మించిన ఫ్లోర్‌ల‌తో శిధిల‌మైన ఇల్లు ఏకంగా రూ 14.66 కోట్ల‌కు అమ్ముడుపోవ‌డం హాట్ టాపిక్‌గా మారింది. 320 డే ఎస్‌టీ స్టేట్స్‌లో లిస్టింగ్ ప్ర‌కారం జీరో బెడ్‌రూమ్స్‌, ఒక బాత్‌రూం, కిచెన్‌తో కూడిన ప్రాప‌ర్టీ అని పొందుప‌రిచారు. శాన్‌ఫ్రాన్సిస్కోలోని అప్‌స్కేల్ నో వ్యాలీలో ఉన్న ఈ పాడుబ‌డిన ఇంటిని కాంట్రాక్ట‌ర్స్ స్పెష‌ల్‌గా పేర్కొన్నారు.

120 ఏండ్ల పురాత‌న ఆస్తిని వేలంలో దాదాపు రూ 14.66 కోట్ల‌కు ద‌క్కించుకున్నారు. బెస్ట్ బ్లాక్‌లో ఉన్న వ‌ర‌స్ట్ ఇల్లు ఇదే కావ‌డంతో మెరుగైన అవ‌కాశంగా బిడ్డ‌ర్లు మ‌లుచుకున్నార‌ని రియ‌ల్ ఎస్టేట్ ఏజెంట్లు టాడ్‌, కిమ్ విలే తెలిపారు. కుప్ప‌కూలేందుకు సిద్ధంగా ఉన్న ఈ ఇల్లు ద‌శాబ్ధాల త‌ర‌బ‌డి మర‌మ్మ‌త్తుల‌కు నోచుకోలేదు. పెచ్చులూడిన గోడ‌లు, పురాత‌న గృహూప‌క‌రణాల‌తో క‌ళాకాంతి లేని ఈ భ‌వ‌నం భారీ ధ‌ర‌కు అమ్ముడుపోవ‌డం అంద‌రినీ ఆశ్చ‌ర్యానికి లోనుచేసింది.

మ‌ల్టీమిలియ‌న్ డాల‌ర్ హోమ్స్ మ‌ధ్య ఈ ఇల్లు ఉంద‌ని, ఈ ఇంటిని పొరుగు ఇండ్ల మాదిరి మెరిసిపోయేలా మ‌లుచుకునే మెరుగైన అవ‌కాశం మీకు అందుబాటులో ఉంటుంద‌ని లిస్టింగ్‌లో పేర్కొన‌డం బిడ్డ‌ర్ల‌ను ఆక‌ర్షించింది. దెబ్బ‌తిన్న ఫ్లోరింగ్‌, 1900 నాటి కిచెన్‌, కాలం చెల్లిన బాత్‌రూంతో కూడిన ఈ ఇల్లు ఇంత ధ‌ర ప‌ల‌క‌డ‌మేంట‌ని నెటిజ‌న్లు షాక్ తిన్నారు. శాన్‌ఫ్రాన్సిస్కోలో ఇలాంటి ఇల్లు ఇంత ధ‌ర ప‌ల‌క‌డం తాను తొలిసారి చూస్తున్నాన‌ని ఓ యూజ‌ర్ రాసుకొచ్చాడు.