Viral Video: తుంటరి వ్యక్తికి బుద్ధి చెప్పిన ఒంటె.. అది ఏం చేసిందంటే!

January 16, 2022 / 06:35 PM IST

ఒక వ్యక్తి తుంటరి పని చేయబోగా, ఒంటె అతడికి తగినవిధంగా బుద్ధి చెప్పింది. తన వెనుక కాళ్లతో ఒక్కట్టిచ్చింది. దీంతో ఒంటెను ఆటపట్టించబోయిన ఆ వ్యక్తి అదుపుతప్పి కిందపడ్డాడు. ఊహించని ఈ ఘటనకు అక్కడున్న వారు కూడా ఆ ఒంటెకు దూరంగా వెళ్లారు. ఇండియన్ ఫారెస్ట్ సర్వీస్ (ఐఎఫ్‌ఎస్‌) అధికారి నందా, ఈ నెల 13న ఈ వీడియోను తన ట్విట్టర్‌ ఖాతాలో పోస్ట్‌ చేశారు. ‘కర్మ’ అని దానికి శీర్షిక ఇచ్చారు.

ఇందులో ఒక ఒంటె తన మానాన వీధిలో నడుస్తూ వెళ్తుంటుంది. ఇంతలో ఒక వ్యక్తి తుంటరి పనికి పాల్పడబోయాడు. సరదాగా దాని వెనుకవైపు కొట్టి తోక పట్టుకునేందుకు ప్రయత్నించాడు. అయితే ఆ ఒంటె అతడి తుంటరి చర్యను ముందుగానే గ్రహించింది. తన వెనుక కాలితో ఆ వ్యక్తిని తన్నింది. దీంతో అతడు పట్టుతప్పి కిందపడ్డాడు. మరోవైపు ఊహించని ఈ ఘటనను చూసి అక్కడున్న కొందరు బిత్తరపోయారు. వెంటనే ఆ ఒంటెకు దూరంగా జరిగి దానికి దారి ఇచ్చారు.

కాగా, ఇన్‌స్టెంట్‌ ‘కర్మ’ పేరుతో ఈ వీడియో వైరల్‌ అయ్యింది. ఇప్పటికే 70,500 మందికిపైగా దీనిని వీక్షించగా, 600 మంది రీట్వీట్‌ చేశారు. ఈ వీడియోపై పలువురు నెటిజన్లు భిన్నంగా స్పందించారు. ఆ ఒంటెతోపాటు దానితో తన్నులు తిన్న ఆ వ్యక్తిపై పలు సెటైర్లు, జోకులు వేశారు.