KTR Birthday | సౌత్ ఆఫ్రికాలో ఘనంగా కేటీఆర్ జన్మదిన సేవా కార్యక్రమాలు

KTR Birthday | బీఆర్‌ఎస్‌ వర్కింగ్‌ ప్రెసిడెంట్‌ కల్వకుంట్ల తారక రామారావు జన్మదిన వేడుకలను దక్షిణాఫ్రికా లోని పలు రాష్ట్రాల్లో ఘనంగా నిర్వహించారు.

బీఆర్‌ఎస్‌ వర్కింగ్‌ ప్రెసిడెంట్‌ కల్వకుంట్ల తారక రామారావు ( KTR Birthday ) జన్మదిన వేడుకలను దక్షిణాఫ్రికాలో (South Africa )ని పలు రాష్ట్రాల్లో ఘనంగా నిర్వహించారు. బీఆర్ఎస్ ( BRS NRI ) ఎన్ఆర్ఐ సౌత్ ఆఫ్రికా ఆధ్వర్యంలో నిర్వహించిన గిఫ్ట్‌ ఏ స్మైల్‌ కార్యక్రమంలో భాగంగా నాయకులు నాగరాజు గుర్రాల ఆధ్వర్యంలో గౌటెంగ్ (జోహన్నెస్‌బర్గ్), వెస్టర్న్ కేప్ (కేప్‌టౌన్), క్వాజులు-నటాల్ (పియెటర్‌మారిట్జ్‌బర్గ్) రాష్ట్రాల్లో ఒకే రోజు, ఒకే సమయంలో సేవా కార్యక్రమాలను నిర్వహించారు.

ఈ సందర్భంగా అనాథాశ్రమాలను సందర్శించి చిన్నారులకు బియ్యం, కిరాణా సరుకులు, ఆహార పదార్థాలు, పరిశుభ్రత సామగ్రి, ఇతర నిత్యావసర వస్తువులతో పాటు వెచ్చని దుప్పట్లను పంపిణీ చేశారు. జోహన్నెస్‌బర్గ్ లోని గౌటెంగ్‌లో అరవింద్ ప్రసాద్ చీకోటి ఆధ్వర్యంలో , కేప్‌టౌన్ – వెస్టర్న్ కేప్ లో చేతన్ కొరబోయిన ఆధ్వర్యంలో , పియెటర్‌మారిట్జ్‌బర్గ్ – క్వాజులు-నటాల్ లో సంతోష్ కుమార్ ధీకొండ ఆధ్వర్యంలో సేవా కార్యక్రమాలను ఉత్సాహంగా నిర్వహించారు.

బీఆర్‌ఎస్‌ నాయకులు నరేందర్ రెడ్డి, అరవింద్ ప్రసాద్ చీకోటి, సాయి కిరణ్ నల్లా, రవీందర్ రెడ్డి, కిరణ్ కుమార్ బెల్లి, వూరె వంశీ, లక్ష్మణ్ రెడ్డి, విక్రమ్ పెట్లూరు తదితరులు పాల్గొని కేటీఆర్‌కు జన్మదిన శుభాకాంక్షలు తెలిపారు.