BRS Anniversary | ఆస్ట్రేలియాలో ఘనంగా బీఆర్‌ఎస్ వార్షికోత్సవం

BRS Anniversary | ఆస్ట్రేలియాలోని మెల్బోర్న్, సిడ్నీ, బ్రిస్బేన్ నగరాల్లో బీఆర్‌ఎస్ ఆస్ట్రేలియా అధ్యక్షుడు కాసర్ల నాగేందర్ రెడ్డి ఆధ్వర్యంలో బీఆర్‌ఎస్‌ పార్టీ 26వ వార్షిక దినోత్సవాన్ని ఘనంగా నిర్వహించారు.

ఆస్ట్రేలియాలోని మెల్బోర్న్, సిడ్నీ, బ్రిస్బేన్ నగరాల్లో బీఆర్‌ఎస్ ఆస్ట్రేలియా ( Australia ) అధ్యక్షుడు కాసర్ల నాగేందర్ రెడ్డి ఆధ్వర్యంలో బీఆర్‌ఎస్‌ పార్టీ 26వ వార్షిక దినోత్సవాన్ని (BRS Anniversary) ఘనంగా నిర్వహించారు.  మెల్బోర్న్‌లో విక్టోరియా రాష్ట్ర కన్వీనర్ సాయిరాం ఉప్పు ( Sairam Uppu ) నిర్వహించిన కార్యక్రమంలో పార్టీ సభ్యులు, తెలంగాణ సంఘాల ప్రతినిధులు , ప్రజలు హాజరయ్యారు.

అధ్యక్షుడు నాగేందర్ రెడ్డి మాట్లాడుతూ పార్టీ ఆవిర్భావం నుంచి ఇప్పటి వరకు జరిగిన ప్రస్థానాన్ని విశ్లేషించారు. తెలంగాణ సాధన లక్ష్యంతో కేసీఆర్ ప్రారంభించిన ఈ ఉద్యమం శక్తివంతమైన రాజకీయ శక్తిగా మారిందని వివరించారు. సాయిరామ్ ఉప్పు మాట్లాడుతూ, తెలంగాణ అభివృద్ధి మరియు సంక్షేమ పథకాల కొనసాగింపుకోసం బీఆర్‌ఎస్ మళ్లీ అధికారంలోకి రావడం ఎంతో అవసరమని తెలిపారు.

ఈ కార్యక్రమంలో వినయ్ సన్నీ గౌడ్ మాట్లాడుతూ కేసీఆర్ , కేటీఆర్ అందిస్తున్న నిరంతర సహకారానికి కృతజ్ఞతలు తెలిపారు. ఈ వేడుకల్లో ఉదయ్ సింహా రెడ్డి, సూర్య రావు, సునిల్ రెడ్డి, సతీష్ పులిపాక, అశోక్ ఈగ, నితీష్ గౌడ్, వెంకట్, భాస్కర్, విశ్వనాధ్, తెలంగాణ సంఘాల ప్రతినిధులు, ప్రజలు పాల్గొన్నారు.