Nizamabad | ఖేలో ఇండియా యూత్ గేమ్స్’ క్రీడా పోటీలకు పకడ్బందీ ఏర్పాట్లు చేయాలి.. నిజామాబాద్‌ కలెక్టర్‌ ఇలా త్రిపాఠి

నిజామాబాద్‌ జిల్లా మాక్లూర్ మండలంలోని దాస్ నగర్ లోని నవ్యభారతి స్కూల్లో డిసెంబర్ లో కేంద్ర, రాష్ట్ర ప్రభుత్వాలు సంయుక్తంగా నిర్వహిస్తున్న క్రీడా పోటీలకు పకడ్బందీ ఏర్పా ట్లు చేయాలని నిజామాబాద్‌ కలెక్టర్ ఇలా త్రిపాఠి అధికారులను ఆదేశించారు. ఈ మేరకు కలెక్టర్‌ మంగళవారం ఆయా కేంద్రాలను పరిశీలించారు.

Nizamabad | నిజామాబాద్‌ : నిజామాబాద్‌ జిల్లా మాక్లూర్ మండలంలోని దాస్ నగర్ లోని నవ్యభారతి స్కూల్లో డిసెంబర్ లో కేంద్ర, రాష్ట్ర ప్రభుత్వాలు సంయుక్తంగా నిర్వహిస్తున్న క్రీడా పోటీలకు పకడ్బందీ ఏర్పా ట్లు చేయాలని నిజామాబాద్‌ కలెక్టర్ ఇలా త్రిపాఠి అధికారులను ఆదేశించారు. ఈ మేరకు కలెక్టర్‌ మంగళవారం ఆయా కేంద్రాలను పరిశీలించారు. ఈ సందర్భంగా కలెక్టర్‌ మాట్లాడుతూ నిజామాబాద్‌ జిల్లాకు టేబుల్ టెన్నిస్ క్రీడలను ప్రభుత్వం మంజూరు చేసిందని, ఇందులో అన్ని రాష్ట్రాల నుంచి 150 క్రీడాకారులు పాల్గొంటారని చెప్పారు. క్రీడలను విజయవంతంగా నిర్వహించి రాష్ట్రంలో జిల్లాకు పేరు ప్రాఖ్యాతలు తీసుకురావాలని ఆకాంక్షించారు. క్రీడల విజయవంతం కోసం నవ్య భారతి స్కూల్లో అన్ని శాఖల అధికారులతో సమావేశం నిర్వహించి అధికారులకు పలు సూచనలు చేశారు.