Road Accident | బేగంపూర్‌ చౌరస్తా సమీపంలో జాతీయ రహదారిపై ఘోర రోడ్డు ప్రమాదం.. అక్కడికక్కడే మహిళ మృతి

జాతీయ రహదారిపై ఘోర రోడ్డు ప్రమాదం మహిళ అక్కడికక్కడే మృతి చెందిన ఘటన బేగంపూర్ చౌరస్తాలో సోమవారం చోటు చేసుకుంది.

• మరో  ఇద్దరికి త్రీవ గాయాలు, హాస్పిటల్ తరలింపు

Road Accident | పెద్ద కొడప్ గల్,మే 18 : జాతీయ రహదారిపై ఘోర రోడ్డు ప్రమాదం మహిళ అక్కడికక్కడే మృతి చెందిన ఘటన బేగంపూర్ చౌరస్తాలో సోమవారం చోటు చేసుకుంది. స్థానికులు, పోలీసులు తెలిపిన వివరాల ప్రకారం.. కామారెడ్డి జిల్లా బిచ్కుంద మండలం పెద్ద దడిగి గ్రామానికి చెందిన షేక్ మస్తాన్ తన భార్య రేష్మ (40 ), కూతురు షేక్ మహాన్ లతో కలిసి తన భార్య అమ్మవారింంటికి సోమవారం ఉదయం 10 గంటలకు మొపెడ్‌పై బయలుదేరారు.

పెద్ద కొడప్ గల్ మండలంలోని బేగంపూర్ చౌరస్తా సమీపంలో జాతీయ రహదారి 161 పై వెనుక నుంచి అతివేగంగా వచ్చిన గుర్తు తెలియని వాహనం ఢీ కొట్టడంతో తన భార్య రేష్మ తలకు గాయాలవటంతో రక్తస్రావం జరిగి అక్కడికక్కడే మృతి చెందింది. అతడి కూతురు, అతడికి త్రీ గాయాలు కావడంతో మెరుగైన చికిత్స కోసం అంబులెన్స్‌లో ఆసుపత్రికి తరలించారు. మృతురాలి భర్త షేక్ మస్తాన్ ఫిర్యాదు మేరకు కేసు దర్యాప్తు చేస్తున్నట్లు ఎస్సై అరుణ్ కుమార్ తెలిపారు.