369 పోస్టులతో యూపీఎస్సీ సీడీఎస్‌ నోటిఫికేషన్‌.. హైదరాబాద్‌లోనూ ఖాళీలు

UPSC | యూనియన్ పబ్లిక్ సర్వీస్ కమిషన్ (UPSC) కంబైన్డ్ డిఫెన్స్ సర్వీసెస్ (CDS)-II పోస్టుల భర్తీకి సంబంధించిన నోటిఫికేషన్‌ను విడుదల చేసింది. అర్హులైనవారు వచ్చేనెల 7 వరకు ఆన్‌లైన్‌

న్యూఢిల్లీ: యూనియన్ పబ్లిక్ సర్వీస్ కమిషన్ (UPSC) కంబైన్డ్ డిఫెన్స్ సర్వీసెస్ (CDS)-II పోస్టుల భర్తీకి సంబంధించిన నోటిఫికేషన్‌ను విడుదల చేసింది. అర్హులైనవారు వచ్చేనెల 7 వరకు ఆన్‌లైన్‌లో దరఖాస్తు చేసుకోవచ్చు. ఈ నోటిఫికేషన్ ద్వారా మొత్తం 339 పోస్టులను భర్తీ చేస్తున్నది. ఇందులో హైదరాబాద్‌లోని ఎయిర్ ఫోర్స్ అకాడమీలో కూడా ఖాళీలు ఉన్నాయి. డిగ్రీ పూర్తిచేసినవారు అప్లయ్‌ చేయడానికి అర్హులు. రాతపరీక్ష, ఇంటర్వ్యూ ద్వారా అభ్యర్థులను ఎంపిక చేయనున్నది.

మొత్తం పోస్టులు: 339
ఇందులో ఎయిర్‌ ఫోర్స్‌ అకాడమీ, హైదరాబాద్‌ 32, ఇండియన్‌ మిలటరీ అకాడమీ, డెహ్రాడూన్ 100, ఇండియన్‌ నేవల్‌ అకాడమీ, ఎజిమళ 22, ఆఫీసర్స్‌ ట్రైనింగ్‌ అకాడమీ, చెన్నై 169, ఎస్‌ఎస్‌సీ ఉమెన్‌ (నాన్‌ టెక్నికల్‌) 16 చొప్పున ఖాళీలు ఉన్నాయి.
అర్హతలు: ఒక్కో పోస్టుకు ఒక్కోవిధంగా ఉన్నాయి. ఇంటర్‌లో మ్యాథ్స్‌, ఫిజిక్స్‌ సబ్జెక్టులు చదివి డిగ్రీ, బీటెక్‌ ఉత్తీర్ణులై ఉండాలి. నిర్ణీత శారీరక ప్రమాణాలు కలిగి ఉండాలి.

ఎంపిక ప్రక్రియ: రాతపరీక్ష, ఎస్‌ఎస్‌బీ టెస్ట్‌ లేదా ఇంటర్వ్యూ ద్వారా
దరఖాస్తు ప్రక్రియ: ఆన్‌లైన్‌
అప్లికేషన్‌ ఫీజు: రూ.200, ఎస్సీ, ఎస్టీ, మహిళా అభ్యర్థులకు ఎలాంటి ఫీజులేదు.
దరఖాస్తులకు చివరితేదీ: జూన్‌ 7
పరీక్ష తేదీ: సెప్టెంబర్‌ 4
వెబ్‌సైట్‌: http://upsconline.nic.in