IDBI JAM Recruitment | డిగ్రీ అర్హతతో ఐడీబీఐలో అసిస్టెంట్‌ మేనేజర్‌ పోస్టులు.. పరీక్ష ఎలా ఉంటుంది? ఎంపిక విధానం ఎలా జరుగుతుంది?

IDBI JAM Recruitment | డిగ్రీ పూర్తయ్యిందా ? మంచి ఉద్యోగం కోసం ఎదురుచూస్తున్నారా? భద్రమైన కొలువు, బ్యాంకింగ్‌ సెక్టార్‌లో స్థిరపడాలనుకుంటున్నారా అయితే ఈ సమాచారం మీ కోసమే. టెస్ట్‌ రాసి దానిలో ప్రతిభ చూపిస్తే చాలు మీకు కొలువు సొంతం. ఆ వివరాలు సంక్షిప్తంగా నిపుణ పాఠకుల కోసం...

IDBI JAM Recruitment | డిగ్రీ పూర్తయ్యిందా ? మంచి ఉద్యోగం కోసం ఎదురుచూస్తున్నారా? భద్రమైన కొలువు, బ్యాంకింగ్‌ సెక్టార్‌లో స్థిరపడాలనుకుంటున్నారా అయితే ఈ సమాచారం మీ కోసమే. టెస్ట్‌ రాసి దానిలో ప్రతిభ చూపిస్తే చాలు మీకు కొలువు సొంతం. ఆ వివరాలు సంక్షిప్తంగా నిపుణ పాఠకుల కోసం…

ఐడీబీఐ

• 1964లో ప్రారంభమైన ఇండస్ట్రియల్‌ డెవలప్‌మెంట్‌ బ్యాంక్‌ ఆఫ్‌ ఇండియా (ఐడీబీఐ)లో కాలాంతరంలో అనేక మార్పులు జరిగాయి. 2004, అక్టోబర్‌ 1 నుంచి ఐడీబీఐ బ్యాంకింగ్‌ కంపెనీగా మారింది. నాటి నుంచి పూర్తిస్థాయి బ్యాంకింగ్‌ కార్యకలాపాలను నిర్వహిస్తుంది.

మొత్తం ఖాళీలు: 600

• వీటిలో జనరల్‌-243, ఎస్సీ-90, ఎస్టీ-45, ఓబీసీ-162, ఈడబ్ల్యూఎస్‌-60 పోస్టులు ఉన్నాయి.
  పోస్టులు: (Grade ‘O’ జూనియర్‌ అసిస్టెంట్‌ మేనేజర్‌

ఎవరు అర్హులు ?

• ఏదైనా గుర్తింపు పొందిన విశ్వవిద్యాలయం నుంచి డిగ్రీ ఉత్తీర్ణులై ఉండాలి.
  వయస్సు: 2023, ఆగస్టు 31 నాటికి 21- 25 ఏండ్ల మధ్య ఉండాలి.
  నోట్‌: ఎస్సీ, ఎస్టీలకు ఐదేండ్లు, ఓబీసీలకు మూడేండ్లు, పీహెచ్‌సీ అభ్యర్థులకు పదేండ్లు వయోపరిమితిలో సడలింపు ఉంటుంది.

ఎంపిక ఇలా

• ఆన్‌లైన్‌ టెస్ట్‌, పర్సనల్‌ ఇంటర్వ్యూ ఆధారంగా చేస్తారు

ఆన్‌లైన్‌ టెస్ట్‌

• ఇది ఆబ్జెక్టివ్‌ విధానంలో ఉంటుంది
• పరీక్షలో లాజికల్‌ రీజనింగ్‌ డాటా అనాలిసిస్‌, ఇంటర్‌ప్రిటేషన్‌ నుంచి 60 ప్రశ్నలు-60 మార్కులు.
• ఇంగ్లిష్‌ లాంగ్వేజ్‌- 40 ప్రశ్నలు- 40 మార్కులు.
• క్వాంటిటేటివ్‌ ఆప్టిట్యూడ్‌ నుంచి 40 ప్రశ్నలు- 40 మార్కులు.
• జనరల్‌ అవేర్‌నెస్‌/బ్యాంకింగ్‌ అవేర్‌నెస్‌ నుంచి 60 ప్రశ్నలు- 60 మార్కులు.
• పరీక్ష కాలవ్యవధి రెండు గంటలు
• పరీక్షలో నెగెటివ్‌ మార్కింగ్‌ విధానం ఉంటుంది. ప్రతి తప్పు జవాబుకు 0.25 మార్కులు కోతవిధిస్తారు.
• ఆన్‌లైన్‌లో వచ్చిన మార్కుల ఆధారంగా ఇంటర్వ్యూకు ఎంపిక చేస్తారు
• ఇంటర్వ్యూకు 100 మార్కులు
• తుది ఎంపిక ఆన్‌లైన్‌ టెస్ట్‌, ఇంటర్వ్యూలో వచ్చిన మార్కుల ఆధారంగా చేస్తారు

చదువు+శిక్షణ

• ఎంపికైన అభ్యర్థులకు మణిపాల్‌ (బెంగళూరు), నిట్టే (గ్రేటర్‌ నోయిడా) విద్యాసంస్థలతో కలిసి పోస్ట్‌ గ్రాడ్యుయేట్‌ డిప్లొమా ఇన్‌ బ్యాంకింగ్‌ అండ్‌ ఫైనాన్స్‌ (పీజీడీబీఎఫ్‌) కోర్సు. ఈ కోర్సులో ప్రవేశాలు కల్పించి ఆరునెలలపాటు తరగతి పాఠాలు, రెండు నెలల ఇంటర్న్‌షిప్‌, నాలుగు నెలల జాబ్‌ ట్రెయినింగ్‌ ఇస్తారు.
• ఈ కోర్సు పూర్తి చేసుకున్నవారికి ఐడీబీఐలో అసిస్టెంట్‌ మేనేజర్‌ ఉద్యోగాన్ని ఇస్తారు.
• కోర్సు ఫీజు కింద రూ.మూడులక్షలు చెల్లించాలి. ఫీజుకు సంబంధించి వాయిదాల పద్ధతి, లోన్‌ సౌకర్యం కూడా ఐడీబీఐ కల్పిస్తుంది.
• శిక్షణ కాలంలో మొదటి ఆరునెలలు నెలకు రూ.ఐదువేలు, ఇంటర్న్‌షిప్‌ సమయంలో నెలకు పదిహేను వేలు, శిక్షణ పూర్తిచేసుకున్నవారికి వార్షిక వేతనం రూ.6.14 లక్షల నుంచి 6.50 లక్షల వరకు ఇస్తారు.

ముఖ్య తేదీలు

దరఖాస్తు: ఆన్‌లైన్‌లో
చివరితేదీ: సెప్టెంబర్‌ 30
ఆన్‌లైన్‌ టెస్ట్‌ తేదీ: అక్టోబర్‌ 20
వెబ్‌సైట్‌: https://www.idbibank.in