ముస్లిం మ‌హిళ‌ల్ని కిడ్నాప్ చేసి రేప్ చేస్తా..

ల‌క్నో: యూపీలో ముస్లిం మ‌హిళ‌ల‌కు వార్నింగ్ ఇచ్చాడు ఓ స్వామీజీ. సీతాపూర్ జిల్లాలో ఓ మ‌సీదు ముందే ఆయ‌న ఈ హెచ్చ‌రిక‌లు చేశాడు. ఖైరాబాద్ ప‌ట్ట‌ణంలో ఓ జీపులో ప్ర‌చారం నిర్వ‌హిస్తున్న ఆయ‌న‌ మైకులో ప్ర‌జ‌ల్ని ఉద్దేశించి మాట్లాడారు. ఎవ‌రైనా ముస్లిం వ్య‌క్తి స్థానిక మ‌హిళ‌ల్ని వేధిస్తే, అప్పుడు ముస్లిం మ‌హిళ‌ల్ని కిడ్నాప్ చేసి బ‌హిరంగంగా రేప్ చేస్తాన‌ని బెదిరించారు. స్వామీజీ మాట‌ల‌ను విన్న జ‌నం కేరింత‌లు కొడుతూ జై శ్రీ రామ్ అంటూ అరిచారు. త‌న‌ను మ‌ర్డ‌ర్ చేసేందుకు కొంద‌రు కుట్ర ప‌న్నార‌ని, దాని కోసం 28 ల‌క్ష‌లు కూడా సేక‌రించిన‌ట్లు ఆయ‌న ఆరోపించారు. ఈ వీడియోను ఆల్ట్ న్యూస్ ఫౌండ‌ర్ జుబైర్ త‌న ట్విట్ట‌ర్‌లో పోస్టు చేశారు. ఏప్రిల్ 2న జ‌రిగిన ఈ ఘ‌ట‌న‌కు సంబంధించి ఇంత వ‌ర‌కు చ‌ర్య‌లు తీసుకోలేద‌న్నారు. ఈ ఘ‌ట‌న ప‌ట్ల ఓ సీనియ‌ర్ అధికారి విచార‌ణ చేప‌డుతున్నార‌ని, నిజ నిర్ధార‌ణ జ‌రిగిన త‌ర్వాత చ‌ర్య‌లు తీసుకుంటామ‌ని సీతాపూర్ పోలీసులు తెలిపారు. ముస్లిం మ‌హిళ‌ల‌కు వీడియోలో హెచ్చ‌రిక‌లు చేసిన స్వామీజీని భ‌జ‌రంగ్ మునిగా గుర్తించిన‌ట్లు తెలుస్తోంది.

https://twitter.com/zoo_bear/status/1512036559960248323?s=20&t=yBl8jE0fMrb-6vm3MAY8aA