పోర్నోగ్ర‌ఫీపై కోర్స్ : టీచ‌ర్ల‌తో క‌లిసి అశ్లీల సినిమాలు వీక్షించనున్న విద్యార్ధులు!

న్యూయార్క్ : ఓ అమెరిక‌న్ కాలేజ్ హార్డ్‌కోర్ పోర్నోగ్ర‌ఫీపై విద్యార్ధుల‌కు కోర్సును ఆఫ‌ర్ చేస్తోంది. ఈ కోర్సులో భాగంగా అధ్యాప‌కుల‌తో క‌లిసి విద్యార్ధులు అశ్లీల సినిమాల‌ను వీక్షిస్తారు. అమెరిక‌న్ న‌గ‌రం ఉతాలో వెస్ట్‌మినిస్ట‌ర్ కాలేజ్ ఈ కోర్స్‌ను ఆఫ‌ర్ చేస్తోంది.

ఫిల్మ్ 3000 ప్రోగ్రాంలో భాగంగా పోర్నోగ్ర‌ఫీ కోర్స్ ఆఫ‌ర్ చేస్తోంది. వ‌ర్ణం, లింగం ఆధారంగా సెక్సువ‌లైజేష‌న్‌పై విద్యార్ధులు, అధ్యాప‌కులు చ‌ర్చించ‌డం కోర్సు ఉద్దేశ‌మ‌ని కాలేజ్ నిర్వాహ‌కులు చెబుతున్నారు. సామాజిక సమ‌స్య‌ల‌ను విశ్లేషించేందుకు పోర్నోగ్ర‌ఫీపై కోర్సు ఓ వేదిక క‌ల్పిస్తుంద‌ని తెలిపారు.

వివాదాస్ప‌ద స‌బ్జెక్టుల‌పై లోతైన విశ్లేష‌ణ‌, అవ‌గాహ‌నకు ఈ కోర్సు విద్యార్ధుల‌కు ఉప‌యోగ‌క‌రంగా ఉంటుంద‌ని కాలేజ్ యాజ‌మాన్యం పేర్కొంది. అయితే పోర్నోగ్ర‌ఫీపై కోర్సును ఆఫ‌ర్ చేస్తూ కాలేజ్ తీసుకున్న నిర్ణ‌యాన్ని ప‌లువురు త‌ప్పుప‌డుతున్నారు. కాగా పోర్నోగ్ర‌ఫీపై క్లాసులు 2022-23 విద్యా సంవ‌త్స‌రం నుంచి ప్రారంభం కానున్నాయి.