రాజకుటుంబంలో నరకం తట్టుకోలేకే అమెరికాకు..

లాస్ ఏంజెలిస్: బ్రిటన్ రాజకుటుంబంలో ఉండే కష్టాలు, బాధలు భరించలేకే ఆ వలయం నుంచి బైటపడ్డానని యువరాజు హ్యారీ చెప్పారు. తండ్రి యువరాజు చార్లెస్ కుటుంబంలోని వనారందరూ తనను ఎలా చూశారో నన్నూ అలాగే చూశారు అని ఒక ఇంటర్వ్యూలో పేర్కొన్నారు. రాజకుటుంబంలో జాతివివక్ష ఉన్నాయని ఇటీవలే ఓప్రా విన్ ఫ్రే షోలో హ్యారీ, మేఘన్ మర్కెల్ దంపతులు సంచలన విషయాలు వెల్లడించిన సంగతి తెలిసిందే. తన తండ్రి తమకు వచ్చే నిధులను కూడా ఆపించారని హ్యారీ తెలిపారు. తాజాగా ఆర్మ్ చైర్ ఎక్స్ పర్ట్ అనే పాడ్ కాస్ట్ కార్యక్రమంలో డ్యాక్స్ షెపర్డ్ కు ఇచ్చిన ఇంటర్వ్యూలో ఆయన తన తండ్రిని నిందించదలుచుకోలేదని చెప్పారు. ఆయన లాగా నా పిల్లలను పెంచొద్దని అనుకుంటున్నాను అని హ్యారీ చెప్పారు. ఈ వలయాన్ని ఛేదించేందుకే రాజకుటుంబం నుంచి బయటకు వచ్చి అమెరికాలో స్థిరపడ్డానని వివరించారు. తన తండ్రి కూడా రాజకుటుంబపు ఇబ్బందులతోనే పెరిగారని పేర్కొన్నారు. విన్ ఫ్రే షోకు హ్యారీ, మేఘన్ ఇచ్చిన ఇంటర్వ్యూతో బ్రిటన్ రాజకుటుంబం 1997లో యువరాణి డయానా చనిపోయినప్పటి స్థాయిలో ఇరకాటంలో పడింది. ఇటీవలి కాలంలో హ్యారీ, మేఘన్ వరుసగా మీడియాకు ఇంటర్వ్యూలు ఇస్తూ సంచలనం కలిగిస్తున్నారు. త్వరలో వారిపై మరో డాక్యుమెంటరీ సిరీస్ ఈ నెల 21 నుంచి యాపిల్ టీవీలో “ద మీ యూ కాంట్ సీ” అనే పేరుతో మొదలుకానున్నది.