సీఎం కేసీఆర్‌కు తెలంగాణ గెజిటెడ్‌ అధికారుల సంఘం కృతజ్ఞతలు

హైదరాబాద్‌ : తెలంగాణ గెజిటెడ్‌ అధికారుల సంఘం కార్యవర్గ సమావేశం అధ్యక్షురాలు వి. మమత, ప్రధాన కార్యదర్శి ఎ. సత్యనారాయణ అధ్వర్యంలో మంగళవారం జరిగింది. తెలంగాణ గెజిటెడ్‌ అధికారుల కేంద్ర సంఘం కార్యవర్గం, తెలంగాణ అన్ని జిల్లాల అధ్యక్ష, కార్యదర్శులు, సచివాలయం, హైదరాబాద్‌ నగర అధ్యక్ష, కార్యదర్శులు పాల్గొన్న ఈ సమావేశంలో పలు తీర్మానాలకు ఆమోదం తెలిపారు.

తీర్మానాలు..

• తెలంగాణ ప్రభుత్వం ఉద్యోగులకు, ఉపాధ్యాయులకు 30 శాతం పీఆర్‌సీ ఫిట్‌మెంట్‌, కాంట్రాక్టు, ఔట్‌సోర్సింగ్‌, హోంగార్డులు, ఆశావర్కర్లు, గ్రామసేవకులు, తదితర మొత్తం ఉద్యోగులందరికి జీతాలు పెంచుటకు అంగీకరించిన సీఎం కేసీఆర్‌కు ధన్యవాదులు తెలుపుతు తీర్మానం.
• పదవీ విరమణ వయస్సు 58 నుంచి 61 సంవత్సరాలకు పెంపుదల చేసినందుకుగాను
• ప్రమోషన్లు పొందుటకు నిర్దేశించిన 3 ఏండ్ల కాలాన్ని 2 ఏండ్లకు కుదిస్తూ జీవో విడుదల చేసి ఒకే నెలలో 24 వేల మందికి ప్రమోషన్లు కల్పించినందుకుగాను
  -రిట్రైడ్‌ ఉద్యోగులకు క్వాంటమ్‌ ఆఫ్‌ పెన్షన్‌ను 75 సంవత్సల నుండి 70 ఏండ్లకు కుదించినందుకు, సీపీఎస్‌ ఉద్యోగులకు ఫ్యామిలీ పెన్షన్‌ ఇచ్చుటకు నిర్ణయం తీసుకున్నందకు
• వివిధ శాఖల్లో ఖాళీగా ఉన్న పోస్టులను భర్తీ చేయుటకు నిర్ణయించినందుకు
• అర్హులైన రాష్ట్ర కేడర్‌ అధికారులకు ఐఏఎస్‌ కన్‌పర్‌ చేయాలని కోరుతూ సమావేశం తీర్మానించడమైనది.

ఈ కార్యక్రమంలో తెలంగాణ గెజిటెడ్‌ అధికారుల కేంద్ర సంఘ నాయకులు ఎస్‌.సహదేవ్‌, రవీందర్‌కుమార్‌, రవీందర్‌రావు, నగరశాఖ అధ్యక్షులు జి.వెంకటేశ్వర్లు, హైదరాబాద్‌ జిల్లా అధ్యక్షులు ఎం.బి.కృష్ణయాదవ్‌, మేడ్చల్‌ జిల్లా అధ్యక్షులు వినయ్‌కుమార్‌, రాజ్‌కుమార్‌గుప్తా, కేంద్ర నాయకులు బి. వెంకటయ్య, డి.అరుణ్‌ కుమార్‌, వి.సుజాత, సబిత, ప్రణయ్‌కుమార్‌, శ్రీనివాస్‌రెడ్డి, నర్సింహులు, యాదగిరి, హరికృష్ణ, లక్ష్మణ్‌గౌడ్‌, స్వరూపరాణి, లావణ్య, రంజిత్‌నాయక్‌, ఆనంద్‌కుమార్‌, గోపాల్‌నాయక్‌, గోపిచంద్‌, తదితరులు పాల్గొన్నారు.