నేటి మహిళ కథ

కమల్‌ కామరాజు, అపర్ణాదేవి జంటగా నటిస్తున్న చిత్రం ‘సోదర సోదరీమణులారా..’. రఘుపతి రెడ్డి దర్శకుడిగా పరిచయమవుతున్నాడు. విజయ్‌కుమార్‌ పైండ్ల నిర్మాత.

కమల్‌ కామరాజు, అపర్ణాదేవి జంటగా నటిస్తున్న చిత్రం ‘సోదర సోదరీమణులారా..’. రఘుపతి రెడ్డి దర్శకుడిగా పరిచయమవుతున్నాడు. విజయ్‌కుమార్‌ పైండ్ల నిర్మాత. ఈ నెల 15న ప్రేక్షకుల ముందుకురానుంది. ఆదివారం థియేట్రికల్‌ ట్రైలర్‌ను విడుదల చేశారు. దర్శకుడు మాట్లాడుతూ ‘భావోద్వేగభరితంగా సాగే కుటుంబ కథా చిత్రమిది. స్త్రీ సమస్యలను చర్చిస్తుంది.

సమాజంలోని వాస్తవికతను ప్రతిబింబిస్తూ కథ సాగుతుంది’ అన్నారు. కాలకేయ ప్రభాకర్‌, పృథ్వీ తదితరులు నటిస్తున్న ఈ చిత్రానికి కెమెరా: మోహన్‌ చారి, సంగీతం: వర్ధన్‌, రచన-దర్శకత్వం: రఘపతి రెడ్డి గుండా.