సిన్సియర్‌ పోలీస్‌ కహానీ

కొత్తదనంతో కూడిన కథలకు చిరునామాగా నిలుస్తున్నారు యువహీరో శ్రీవిష్ణు. ఆయన నటిస్తున్న తాజా చిత్రం ‘అల్లూరి’. ప్రదీప్‌వర్మ దర్శకుడు. లక్కీ మీడియా పతాకంపై బెక్కెం వేణుగోపాల్‌ నిర్మిస్తున్నారు. ఈ సినిమా ప్రీలుక్‌ను మంగళవారం అగ్రహీరో రవితేజ విడుదల చేశారు. దర్శకుడు మాట్లాడుతూ ‘ఈ సినిమాలో శ్రీవిష్ణు సిన్సియర్‌ పోలీసాఫీసర్‌ ఎ.ఎస్‌.రామరాజుగా కనిపిస్తారు. ఆయన పాత్ర నవ్యరీతిలో సాగుతుంది. యాక్షన్‌ డ్రామాగా తెరకెక్కిస్తున్న ఈ సినిమాలోని మలుపులు ఆసక్తినిరేకెత్తిస్తాయి. ప్రస్తుతం చిత్రీకరణ చివరి దశలో ఉంది. త్వరలో విడుదల తేదీని ప్రకటిస్తాం’ అన్నారు. కయ్యదు లోహర్‌, తనికెళ్ల భరణి, సుమన్‌, రాజా రవీంద్ర, పృథ్వీరాజ్‌, రవివర్మ, మధుసూధన్‌రావు తదితరులు నటిస్తున్న ఈ చిత్రానికి కెమెరా: రాజ్‌తోట, సంగీతం: హర్షవర్ధన్‌ రామేశ్వర్‌, నిర్మాతలు: బెక్కెం వేణుగోపాల్‌, బెక్కెం బబిత, రచన-దర్శకత్వం: ప్రదీప్‌ వర్మ.