హైదరాబాద్: ఈ ఏడాది ఫోర్బ్స్ కుబేరుల జాబితాలో కొత్త పాప్ స్టార్ రిహాన్నా చేరింది. 34 ఏళ్ల ఆ సింగర్ వద్ద సుమారు 1.7 బిలియన్ల డాలర్లు విలువైన ఆస్తులు ఉన్నట్లు ఫోర్బ్స్ పేర్కొన్నది. పాప్ సాంగ్స్తో ఉర్రూతలూగించే రిహాన్నాకు మ్యూజిక్తో పాటు కాస్మిటిక్స్, ఫెంటీ బ్యూటీ, లింగరీ బ్రాండ్ల నుంచి ఆదాయం వస్తోంది. అంబ్రెల్లా, డైమండ్స్, వీ ఫౌండ్ లవ్, వాట్స్ మై నేమ్ ఆల్బమ్లు రిహాన్నా కేరీర్లో ఆల్ టైమ్ హిట్స్.
రిహాన్నా పూర్తి పేరు రాబిన్ రిహాన్నా ఫెంటీ. మ్యూజిక్ స్టార్ అయిన ఆమెది బార్బడోస్ దేశం. ఆ దేశం నుంచి ఫోర్బ్స్ సంపన్నుల జాబితాలో చేరిన తొలి వ్యక్తిగా ఆమె నిలిచారు. ర్యాపర్ ఏఎస్ఏపీ రాకీని పెళ్లి చేసుకున్న రిహాన్నా ఇప్పుడు నిండు గర్భిణి. ఫోర్బ్స్ బిలియనీర్ల జాబితాలో ఉన్న సెలబ్రిటీల్లో.. రిహాన్నాతో పాటు జే జెడ్, కేన్ వెస్ట్, కిమ్ కర్దాషియన్, ఓఫ్రా విన్ఫ్రే, స్టీవెన్ స్పిల్బర్గ్, పీటర్ జాక్సర్, టైలర్ పెర్రీలు ఉన్నారు.