ఓటీటీలోకి వచ్చేస్తున్న పెళ్లి సందD చిత్రం…!

November 2, 2021 / 03:29 PM IST

Pelli SandaD movie on OTT | శ్రీకాంత్ కెరీర్‌ను మలుపు తిప్పిన సినిమా పెళ్లి సందడి. ఈ సినిమా వచ్చి పాతికేళ్లు అయిపోయింది. మళ్లీ ఇన్నేళ్ల‌ తర్వాత అదే పేరుతో వ‌చ్చిన సినిమాతో శ్రీకాంత్ త‌న‌యుడు రోష‌న్ హీరోగా లాంఛ్ అయ్యాడు. ఈ సినిమాలో శ్రీలీల‌ హీరోయిన్‌గా న‌టించింది. ద‌ర్శ‌కేంద్రుడు కే. రాఘ‌వేంద్ర‌రావు ప‌ర్య‌వేక్ష‌ణ‌లో గౌరీ రోనంకి ద‌ర్శ‌క‌త్వం వ‌హించారు. ద‌స‌రా కానుక‌గా అక్టోబ‌ర్ 15న విడుద‌లైన ఈ చిత్రం ఫ్లాప్ టాక్ తెచ్చుకున్నా.. క‌లెక్ష‌న్లు మాత్రం బాగానే వ‌చ్చాయి. ఇప్పుడు ఈ సినిమా ఓటీటీలో కూడా సంద‌డి చేయ‌బోతోంది. త్వ‌ర‌లోనే ఓటీటీ ఫ్లాట్‌ఫామ్‌పై స్ట్రీమింగ్ కాబోతోంది.

ఆర్కా మీడియా సంస్థ‌తో క‌లిసి ఆర్కే ఫిలింస్ నిర్మాణ సంస్థ పెళ్లి సందడి సినిమా నిర్మించాయి. ఈ సినిమాతోనే ద‌ర్శ‌కేంద్రుడు కే. రాఘ‌వేంద్ర‌ర‌రావు తొలిసారిగా న‌టుడిగా అవ‌తారం ఎత్తాడు. కానీ ఈ సినిమాకు తొలి రోజే నెగెటివ్ టాక్ వ‌చ్చింది. కానీ హీరోయిన్ శ్రీలీల‌కి మాత్రం మంచి క్రేజ్‌ను తీసుకొచ్చింది. పెళ్లి సంద‌డిలో పిల్ల సంద‌డే ఎక్కువ‌గా ఉంద‌నే రేంజ్‌లో టాక్ తెచ్చుకుంది. దీంతో టాలీవుడ్ ద‌ర్శ‌క నిర్మాత‌లంతా ఆమె వెనుక క్యూ క‌డుతున్నారు. ఇదిలా ఉంటే ఈ చిత్రం త్వ‌ర‌లోనే డిజిటల్ ఫ్లాట్‌ఫామ్‌లో స్ట్రీమింగ్ కాబోతోంది. ప్ర‌ముఖ ఓటీటీ సంస్థ డిస్నీ+ హాట్‌స్టార్‌లో ఈ సినిమా విడుద‌ల కానుంది. ఈ నెల చివ‌రి వారంలో పెళ్లి సంద‌డి సినిమా ఓటీటీ ఫ్లాట్‌ఫామ్‌లో స్ట్రిమింగ్ కానున్న‌ట్లు తెలుస్తోంది.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి