న్యూఢిల్లీ : వన్ప్లస్ 11 ప్రొ ఫోటోలు గత వారం ఆన్లైన్లో హల్చల్ చేయగా తాజాగా లేటెస్ట్ స్మార్ట్ఫోన్ ఫీచర్లు ఆన్లైన్లో లీకయ్యాయి. వన్ప్లస్ లేటెస్ట్ ఫ్లాగ్షిప్ ఫోన్ స్పెసిఫికేషన్స్ బయటకు వచ్చాయి. నవంబర్ సమ్మిట్లో క్వాల్కాం లాంఛ్ చేయనున్న స్నాప్డ్రాగన్ 8 జెన్ 2 చిప్సెట్తో ఈ స్మార్ట్ఫోన్ కస్టమర్ల ముందుకు రానుందని భావిస్తున్నారు.
వన్ప్లస్ 11 ప్రొ 6.7 ఇంచ్ క్యూహెచ్డీ+ రిజల్యూషన్తో కూడిన అమోల్డ్ స్క్రీన్, పంచ్ హోల్ డిస్ప్లే డిజైన్తో కస్టమర్లను ఆకట్టుకుంటుందని 91మొబైల్స్ వెల్లడించింది. వన్ప్లస్ లేటెస్ట్ 11 ప్రొ డివైజ్ 100డబ్ల్యూ ఫాస్ట్ చార్జింగ్ సపోర్ట్తో 5,000ఎంఏహెచ్ బ్యాటరీ సామర్ధ్యం కలిగిఉంది. మొబైల్ వెనుక భాగంలో ట్రిపుల్ కెమెరా సెటప్ రానుంది. 50ఎంపీ ప్రైమరీ కెమెరా, 48ఎంపీ అల్ట్రావైడ్ సెన్సర్, 2x ఆప్టికల్ జూమ్తో 32ఎంపీ టెలిఫోటో సెన్సర్ ఉంటుంది.
మెరుగైన కలర్ గ్రేడింగ్, ఓవరాల్ పెర్ఫామెన్స్ కోసం కెమెరాలు హ్యాసిల్బ్లాడ్ సపోర్ట్ కలిగిఉంటాయి. ఇక ముందు భాగంలో సెల్ఫీల కోసం 16ఎంపీ కెమెరా ఆకట్టుకోనుంది. ఈ డివైజ్ ఇన్డిస్ప్లే ఫింగర్ప్రింట్ స్కానర్తో పాటు డాల్బీ అట్మాస్ను సపోర్ట్ చేస్తుంది. కిందిభాగంలో యూఎస్బీ-సీ పోర్ట్ ఉంటుందని లీక్ పేర్కొంది. వన్ప్లస్ లేటెస్ట్ డివైజ్ 5జీ స్మార్ట్ఫోన్గా కస్టమర్ల ముందుకు రానుంది. ఇక ఈ ఏడాది చివరిలో లేదా 2023 జనవరిలో వన్ప్లస్ 11 ప్రొ ఎంట్రీ ఇవ్వనుందని సమాచారం.