Visit:
OG Record | పవన్ కళ్యాణ్ హీరోగా సుజీత్ దర్శకత్వంలో రూపొందిన గ్యాంగ్‌స్టర్ డ్రామా ‘ఓజీ’ బాక్సాఫీస్ వద్ద సంచలనాలు సృష్టిస్తోంది. డీవీవీ ఎంటర్‌టైన్‌మెంట్స్ నిర్మాణంలో భారీ బడ్జెట్‌తో తెరకెక్కిన ఈ చిత్రం విడుదలకు ముందే విపరీతమైన హైప్ సృష్టించగా, విడుదలైన తర్వాత ఆ అంచనాలకు తగ్గట్టుగానే అద్భుతమైన వసూళ్లు రాబడుతోంది. ప్రీమియర్ షోల నుంచే పాజిటివ్ టాక్‌తో దూసుకెళ్లిన ఈ చిత్రం తొలి రోజే రూ.154 కోట్ల గ్రాస్ కలెక్షన్ సాధించినట్లు మేకర్స్ ప్రకటించారు. మూడు రోజుల్లోనే రూ.200 కోట్ల క్లబ్‌లో చేరిన ఈ సినిమా, నాలుగో రోజుకల్లా రూ.252 కోట్ల గ్రాస్ వసూలు చేసినట్లు అధికారిక పోస్టర్ ద్వారా తెలియజేశారు.
ఆ తర్వాత సైలెంట్ అయిన మేకర్స్ తాజాగా మరో రికార్డును సృష్టించినట్లు వెల్లడించారు. పదో రోజు నాటికి ‘ఓజీ’ 2025 సంవత్సరంలో అత్యధిక వసూళ్లు సాధించిన తెలుగు సినిమాగా నిలిచిందని చిత్రబృందం అధికారికంగా ప్రకటించింది. “అలలిక కదలక భయపడేలే… క్షణక్షణమొక తల తెగి పడేలే… ప్రళయం ఎదురుగా నిలబడేలే… మేటి దాటికి లోకం హడలే” అంటూ సోషల్ మీడియాలో పోస్ట్ షేర్ చేస్తూ పవన్ కళ్యాణ్ కొత్త పోస్టర్‌ను విడుదల చేశారు. ఆ పోస్టర్‌లో పవన్ కళ్యాణ్ స్టైలిష్ లుక్‌లో చేతిలో కటానా పట్టుకొని నడుచుకుంటూ వస్తుండగా, ఆ లుక్ ఫ్యాన్స్‌ను విపరీతంగా ఆకట్టుకుంటోంది. ఈ ఏడాది ఇప్పటివరకూ అత్యధిక వసూళ్లు సాధించిన చిత్రం వెంకటేష్ హీరోగా అనిల్ రావిపూడి దర్శకత్వంలో వచ్చిన ‘సంక్రాంతికి వస్తున్నాం’ కాగా, ఆ సినిమా ప్రపంచవ్యాప్తంగా రూ.303 కోట్ల గ్రాస్ సాధించినట్లు అధికారికంగా ప్రకటించబడింది.
ఇప్పుడు ‘ఓజీ’ ఆ రికార్డును అధిగమించి 2025లో హయ్యెస్ట్ గ్రాసర్‌గా నిలిచిందని మేకర్స్ చెబుతున్నారు. అంటే ఈ చిత్రం రూ.303 కోట్లకు పైగా వసూళ్లు సాధించినట్లు స్పష్టమవుతోంది. అయితే కలెక్షన్ పోస్టర్‌ను ఎందుకు రిలీజ్ చేయలేదని నెటిజన్లు ప్రశ్నిస్తున్నారు. ‘ఓజీ’ సినిమా చుట్టూ ఉన్న హైప్, బజ్ ఈ ఏడాది మరే సినిమాకు రాలేదని చెప్పాలి. విడుదలకు ముందు నుంచే పవర్ స్టార్ అభిమానులు ఈ చిత్రం రూ.500 కోట్ల క్లబ్‌లో చేరుతుందని నమ్మకంగా చెప్పారు. అంతేకాక దేవర రికార్డ్ బ్రేక్ అవుతుందనే చర్చలు ఫ్యాన్ వార్స్ స్థాయికి చేరాయి. ప్రీమియర్ షోలలో రూ.800 నుంచి రూ.1000 వరకు టికెట్ రేట్లు ఉండటంతో పాటు, రెండు తెలుగు రాష్ట్రాల్లో భారీ టికెట్ హైక్స్ రావడంతో భారీ ఓపెనింగ్స్ ఖాయమని అందరూ భావించారు. మొదటి రోజు కలెక్షన్ ఫిగర్స్ చూసి టాలీవుడ్ రికార్డ్స్ అన్నీ తిరగరాయబోతున్నాయని అభిమానులు భావించారు. అయితే మేకర్స్ ప్రకారం 10 రోజుల్లో రూ.300 కోట్లకు పైగా గ్రాస్ వచ్చినా, సినిమాకు ఉన్న హైప్, బ్లాక్‌బస్టర్ టాక్, రియల్ బాక్సాఫీస్ ఫలితాల మధ్య పెద్దగా పొంతన లేదని సినీ వర్గాలు అభిప్రాయపడుతున్నాయి.
Alalika Kadhalaka Bhayapadele…
Kshanakshanamoka Thala Thegi Padele…
Pralayamu Yedhuruga Nilabadele..
Meti Dhaatiki Lokam Hadale…#OG is the highest grossing Telugu Film of 2025 🔥🔥🔥🔥#TheyCallHimOG #BoxOfficeDestructorOG pic.twitter.com/TGQYcilw3C— DVV Entertainment (@DVVMovies) October 5, 2025
