Isro Jobs | ఇస్రోలో 244 ఖాళీలు

Isro Jobs | ఇస్రోకు చెందిన వివిధ కేంద్రాల్లో ఖాళీగా ఉన్న 244 పోస్టుల భర్తీకి నోటిఫికేషన్‌ విడుదలైంది. అసిస్టెంట్ 130, అప్పర్‌ డివిజన్‌ క్లర్క్ (UDC) 81‌, స్టెనోగ్రాఫర్‌ 10, జూనియర్‌ పర్సనల్‌ అసిస్టెంట్‌ 82 ఖాళీలు ఉన్నాయి.

Isro Jobs | ఇస్రోకు చెందిన వివిధ కేంద్రాల్లో ఖాళీగా ఉన్న 244 పోస్టుల భర్తీకి నోటిఫికేషన్‌ విడుదలైంది. అసిస్టెంట్ 130, అప్పర్‌ డివిజన్‌ క్లర్క్ (UDC) 81‌, స్టెనోగ్రాఫర్‌ 10, జూనియర్‌ పర్సనల్‌ అసిస్టెంట్‌ 82 ఖాళీలు ఉన్నాయి. ఈ ఉద్యోగాల్లో హైదరాబాద్‌లో 15, ఏపీలో 49 ఉన్నాయి.

అర్హతలు
అసిస్టెంట్‌, యూడీసీ పోస్టులకు ఏదైనా గుర్తింపు పొందిన యూనివర్సిటీ నుంచి గ్రాడ్యుయేషన్‌ (Graduation)లో కనీసం 60 శాతం మార్కులు లేదా 6.32 సీజీపీఏతో ఉత్తీర్ణులై ఉండాలి. దీంతో పాటు కంప్యూటర్‌లో పరిజ్ఞానం ఉండాలి. జూనియర్‌ పర్సనల్‌ అసిస్టెంట్‌, స్టెనోగ్రాఫర్‌ పోస్టులకు డిగ్రీ లేదా కమర్షియల్‌/సెక్రటేరియల్‌ ప్రాక్టీస్‌లో డిప్లొమా ఉత్తీర్ణులై ఉండాలి. వీటితో పాటు స్టెనో-టైపిస్ట్‌/స్టెనోగ్రాఫర్‌లో సంవత్సరం అనుభవ, ఇంగ్లిష్‌, కంప్యూటర్‌ పరిజ్ఞానం ఉండాలి. ఆగస్టు 16 నాటికి 28 ఏండ్లు నిండి ఉండాలి. ఓబీసీలకు 31, ఎస్సీ, ఎస్టీలకు 33 ఏండ్లు వయోపరిమితిలో సడలింపు ఉంటుంది.

దరఖాస్తు ఫీజు
దరఖాస్తులు ఆన్‌లైన్‌లో చేసుకోవాలి. రూ. 500 దరఖాస్తు ఫీజు ఉంటుంది. ఎస్సీ, ఎస్టీ, దివ్యాంగులు, ఎక్స్‌సర్వీస్‌మెన్‌, మహిళలకు ఎలాంటి ఫీజు లేదు.

ఎంపిక, జీతం
రాత పరీక్ష (Written Test) ద్వారా ఎంపిక ఉంటుంది. ఎంపికైన అభ్యర్థులకు నెలకు రూ. 25,500+ఇతర అలవెన్సులు ఇస్తారు.

చివరితేదీ
ఈ ఉద్యోగాలకు దరఖాస్తులు జూలై 27 నుంచి ప్రారంభమయ్యాయి. ఆగస్టు 16లోగా దరఖాస్తు చేసుకోవాలి. న్యూఢిల్లీ, హైదరాబాద్‌, బెంగళూరు, హసన్‌, శ్రీహరికోట, అహ్మదాబాద్‌, తిరువనంతపురం, మహేంద్రగిరిల్లో పరీక్ష కేంద్రాలు ఉన్నాయి. దరఖాస్తు, ఇతర వివరాలకు వెబ్‌సైట్‌ https://www.isro.gov.in/లో చూడవచ్చు.